विद्याधर

हिंदू संस्कृतीप्रमाणे, विद्याधर हे अर्धदेव समजले जातात. त्यांची पत्नीला विद्याधरी म्हटले जाते. पुराणात ज्यांची नावे आली आहेत असे काही विद्याधर :

अलंकारशील, कल्याणक, कालसंवर (हा विजयार्ध पर्वताच्या दक्षिणेला असलेल्या मृतवती देशातील कालकूट नगरीचा स्वामी होता), जीमूतकेतु (जीमूतवाहनाचा पिता), जीमूतवाहन, नरवाहनदत्त, मदनवेग, सुदर्शन, सुमनस्‌, हेमकुंडल, हेमप्रभ, वगैरे.

विद्याधरी

• अलंकार प्रभा : हेमप्रभ या विद्याधराची पत्नी. हिला वज्रप्रभ नावाचा पुत्र आणि रत्नप्रभा नावाची कन्या होती.
• कांचनप्रभा : अलंकारशील या विद्याधराची पत्नी. हिला अलंकारवती नावाची कन्या होती. तिचे लग्न नरवाहनदत्त या विद्याधराशी झाले.
• कांचनमाला : कालसंवर नामक विद्याधराची पत्नी
• गुणमंजरी : ही कल्याणक नावाच्या विद्याधराची पत्नी आहे.
• सुरतमंजरी : हिचे लग्न उज्जयिनीचा राजपुत्र अवंतिवर्धनशी झाले होते.