रावुरी भारद्वाज

डॉ. रावुरी भारद्वाज (जन्म :१९२७) हे एक तेलुगू लेखक आहेत. विश्वकर्मा कुटुंबात जन्म झालेल्या व केवळ सातव्या इयत्तेपर्यंत औपचारिक शिक्षण घेतलेल्या भारद्वाज यांच्या साहित्याचा बी.ए., एम.ए. आणि विद्यापीठीय स्तरावरील अभ्यासक्रमात समावेश असून, त्यांचे साहित्य अनेक संशोधनांचाही आधार ठरले आहे. नागार्जुन विद्यापीठाने आणि जवाहरलाल नेहरू तंत्रज्ञान विद्यापीठाने त्यांना मानद डॉक्टरेट बहाल केल्या आहेत.

अत्यंत प्रतिकूल परिस्थितीशी सामना करून त्यांनी साहित्याची अखंड सेवा केली आहे. त्यांनी १७ कादंबऱ्या, ४ एकांकिका, ५ नभोवाणी नाट्ये, ५ लघुकथासंग्रह आणि मुलांसाठीच्या ६ लघुकादंबऱ्या, यांसह चरित्रे, निबंधे आणि नाटके लिहिली आहेत.

रावुरी भारद्वाज यांच्या प्रसिद्ध साहित्यकृती

• ईनुवू तेरा वेनुकू
• कौमुदी
• जीवन समराम
• पाकुदुराल्लू

रावुरी भारद्वाज यांना मिळालेले पुरस्कार

• तेलुगू अकादमी पुरस्कार
• नागार्जुन विद्यापीठाची आणि जवाहरलाल नेहरू तंत्रज्ञान विद्यापीठाची डी.लिट्‌. च्या मानद पदव्या.
• भारत सरकारचा इ.स.२०१२ सालचा ज्ञानपीठ पुरस्कार
• बालसाहित्य परिषद पुरस्कार
• राजा लक्ष्मी सन्मान
• लोकनायक फाउंडेशनचा पुरस्कार
• साहित्य अकादमी पुरस्कार
• सोव्हिएत लँड नेहरू ॲवॉर्ड