पुळूजवाडी

महाराष्ट्र राज्यातील सोलापूर जिल्ह्यातल्या पंढरपूर तालुक्यात पुळूज आणि वाडी ही दोन गांवे आहेत. ती एकत्र मिळून पुळूजवाडी हे गांव झाले आहे. त्यांतल्या पुळूज गावात "श्री राजा लिंगेश्वर" नावाचे पवित्र देवस्थान आहे. हे भीमाशंकर येथे उगम पावलेल्या भीमा नदीच्या काठी आहे.. या देवळात रोज पहाटेच्या वेळेस पाच वाजता नित्यनेमाने श्रींची आरती केली जाते. श्रावण महिन्यात येथे नऊ दिवस'घट' स्थापन केले जातात. श्रावण पौर्णिमेच्या दुसऱ्या दिवशी यात्रेला प्रारंभ होतो. यात्रा तीन दिवस असते आणि तिसऱ्या दिवशी जंगी कुस्त्यांचे मैदान भरवले जाते. यामध्ये महाराष्ट्रातील अनेक पहिलवान, हिंद केसरी, महाराष्ट्र केसरी. वगैरे आपले कौशल्य आजमावण्यासाठी येतात.