वालेंतिना तेरेश्कोव्हा
| वालेंतिना तेरेश्कोव्हा | |
|---|---|
 | |
| जन्म |
६ मार्च, १९३७ बोल्शोये मास्लेनिकोवो, यारोस्लाव ओब्लास्त, सोव्हिएत संघ |
| राष्ट्रीयत्व |
सोव्हिएत रशियन |
| पेशा | अंतराळयात्री, वैमानिक |
| कारकिर्दीचा काळ | इ.स. १९४९-इ.स. १९७९ |
| प्रसिद्ध कामे | अंतराळात गेलेली जगातील पहिली महिला |
स्वाक्षरी | |
वालेंतिना व्लादिमिरोव्ना तेरेश्कोवा (रशियन: Валенти́на Влади́мировна Терешко́ва; ६ मार्च १९३७) ही रशियन व्यक्ती अंतराळात पोचलेली जगातील पहिली महिला आहे. वोस्तोक ६ हे अंतराळयान चालवण्यासाठी सुमारे ४००हून अधिक अर्जदारांमध्ये व सोडतीच्या अंतिम फेरीत पोचलेल्या पाच उत्सुक व्यक्तींमध्ये तेरेश्कोवाची निवड झाली. पेशाने एक यंत्रमाग कामगार असलेल्या तेरेश्कोवाला अंतराळयात्री बनवण्यासाठी अगोदर सोव्हिएत वायूसेनेमध्ये दाखल करण्यात आले. १६ जून १९६३ रोजी तिने वोस्तोक ६ हे यान उडवले. ती २ दिवस, २३ तास व १२ मिनिटे अंतराळामध्ये होती.
तेरेश्कोवाला सोव्हिएत संघामध्ये प्रचंड लोकप्रियता मिळाली व १९६९ साली तिने सोव्हिएत संघाच्या कम्युनिस्ट पक्षाचे सदस्यत्व घेतले. तेरेश्कोवाला सोव्हिएत संघाचा वीर हा देशामधील सर्वोच्च पुरस्कार तसेच बहुसंख्य राष्ट्रीय पुरस्कार मिळाले. तेरेश्कोवा राजकारणामध्ये कार्यरत राहिली व तिने सोव्हिएतमध्ये व जगात अनेक संस्थांमध्ये महत्त्वाची पदे भूषवली. तेरेश्कोवा सोत्शी येथील २०१४ हिवाळी ऑलिंपिक स्पर्धेसाठी ऑलिंपिक ध्वजरोहक होती.
बाह्य दुवे[संपादन]
 |
विकिमीडिया कॉमन्सवर खालील विषयाशी संबंधित संचिका आहेत: |