वांडा मॅक्सिमॉफ (मार्व्हेल सिनेमॅटिक युनिव्हर्स)
.jpg)
वांडा मॅक्सिमॉफ हे त्याच नावाच्या मार्व्हल कॉमिक्स पात्रावर आधारित मार्व्हल सिनेमॅटिक युनिव्हर्स (MCU) माध्यम विश्वातील एलिझाबेथ ओल्सेनने प्रामुख्याने चित्रित केलेले एक काल्पनिक पात्र आहे. सुरुवातीला सोकोव्हियन निर्वासित म्हणून तिचे चित्रण करण्यात आले. तिचा जुळा भाऊ पिएट्रोसह तिच्यावर हायड्राद्वारे प्रयोग केला आहे. द माइंड स्टोन तिची नैसर्गिक टेलिकिनेटिक आणि ऊर्जा हाताळणी क्षमता वाढवतो, ज्याला कॅओस मॅजिक म्हणून ओळखले जाते. [१] वांडा सुरुवातीला अ‍ॅव्हेंजर्सशी संघर्षात उतरते पण नंतर त्यांच्यात सामील होते आणि त्यांच्या सर्वात शक्तिशाली सदस्यांपैकी ती एक बनते. [२]
थॅनोसबरोबरच्या संघर्षात त्याचा मृत्यू होईपर्यंत तिचे व्हिजनशी प्रेमसंबंध होते. तिला पुन्हा जिवंत केल्यावर, वांडा मानसिकदृष्ट्या अस्थिर होते आणि तिच्या क्षमतेचा वापर करून वेस्टव्ह्यू शहराला तिच्या आवडीनुसार बनवलेल्या खोट्या वास्तवात अडकवते. यामुळे तिला स्वॉर्ड आणि अगाथा हार्कनेस यांच्याशी लढावे लागते. परिणामतः तिला प्राचीन भाकीत असलेली ओळख स्कार्लेट विच प्राप्त होते. [३] वेस्टव्ह्यूला अनिच्छेने मुक्त केल्यानंतर, ती अगाथाच्या क्षमता आत्मसात करते आणि डार्कहोल्डचा ताबा घेते, ज्याचा वापर ती बिली आणि टॉमी या तिने खोट्या वास्तवात तयार केलेल्या तिच्या मुलांचा पर्यायी वास्तविकतेच्या आवृत्त्या शोधण्यासाठी करते. डार्कहोल्डमुळे भ्रष्ट झालेली वांडा अमेरिका चावेझची बहुविध प्रवास शक्ती आत्मसात करण्याचा प्रयत्न करते आणि पूर्वीचा सहकारी स्टीफन स्ट्रेंजशी संघर्षात उतरते. पृथ्वी-८३८ वर वांडाचा समकक्ष आहे आणि तिच्या मुलांच्या पृथ्वी-८३८ वरील आवृत्त्यांचा सामना होईपर्यंत ती इलुमिनाटीला संपवते. अपराधीपणाने ग्रासलेली वांडा स्वतःवर माउंट वुंडागोर कोसळते आणि डार्कहोल्डच्या सर्व प्रती मल्टीव्हर्समध्ये नष्ट करते.
२०२३ पर्यंत सहा चित्रपटांमध्ये दिसलेली वांडा MCU मधील एक मध्यवर्ती पात्र बनली आहे. वांडाव्हिजन (२०२१) या लघु मालिकेतही तिची प्रमुख भूमिका आहे. अ‍ॅनिमेटेड मालिका व्हाट इफ...? (२०२१) आणि डॉक्टर स्ट्रेंज इन द मल्टीवर्स ऑफ मॅडनेस (२०२२) या चित्रपटात वांडाच्या पर्यायी आवृत्त्या दिसतात. एलिझाबेथ ओलसेनने केलेली भूमिका चांगलेच गाजली आहे आणि तिने या अभिनयासाठी अनेक सन्मान मिळावले आहेत, विशेषतः २०२१ मध्ये प्राइमटाइम एमी पुरस्कार आणि २०२२ मध्ये गोल्डन ग्लोब पुरस्कारासाठी नामांकन मिळवले आहे. [४]
संदर्भ[संपादन]
- ^ Marnell, Blair (February 28, 2021). "'WandaVision': The Scarlet Witch's Powers and Chaos Magic, Explained". Collider. Archived from the original on April 27, 2021. April 27, 2021 रोजी पाहिले.
- ^ "Scarlet Witch (Wanda Maximoff) On Screen Full Report". Marvel.com. Archived from the original on November 25, 2020. January 10, 2019 रोजी पाहिले.
- ^ Acuna, Kirsten (February 26, 2021). "'WandaVision' finally gives Wanda her Marvel superhero name and fans are overjoyed". Insider. Archived from the original on March 23, 2023. September 28, 2021 रोजी पाहिले.
- ^ Hipes, Patrick (2021-12-13). "Hollywood Foreign Press Unveils Its Golden Globes Nominations: 'Belfast', 'Power Of The Dog' & Netflix Lead Field". Deadline Hollywood (इंग्रजी भाषेत). Archived from the original on December 19, 2021. 2022-03-23 रोजी पाहिले.