मलिक-इ-मैदान

मलिक-इ-मैदान तोफ

मलिक-इ-मैदान तोफ (फारसी शब्द-अर्थ:मैदानाचा राजा) ही निजामशाही काळात अहमदनगर येथे इ.स. १५४९ मध्ये तयार केलेली तोफ आहे. हिला मलिक मैदान तोफ किंवा मुलुख मैदान तोफ या नावानेही ओळखले जाते. या तोफेचे वजन ५५ टन असून निजामशाहीतील बादशहा बुरहाण शहा यांच्याकडे काम करीत असलेले तुर्की सरदार रुमीखान दख्खनी यांनी सोन - चांदीतांबे, लोखंड व जस्ताच्या पंचधातू मिश्रणातून अहमदनगर येथे ही तोफ गाळली होती. या तोफेचे तोंड मगरीच्या उघडलेल्या जबड्यासारखे आहे. मलिक मैदान तोफेची लांबी १४ फूट ४ इंच असून तिचा व्यास ४ फूट ११ इंच आहे. निजामशाहीच्या उत्तरार्धात ही तोफ अहमदनगर येथून परांड्याच्या किल्ल्यावर व नंतर दक्षिणेत नेण्यात आली. सध्या ही तोफ विजापूर किल्ल्याच्या शाह ( उपली)बुरुजावर ठेवण्यात आलेली आहे.