मराठी ब्लॉगर

मराठी ब्लॉग म्हणजे इंटरनेटवर लिहिलेली मराठी भाषेतील अनुदिनी होय. इंटरनेटवर मराठी भाषेत लिखाण करणे शक्य झाल्यानंतर मराठी ब्लॉग दिसू लागले. आता मराठीत शेकडो ब्लॉग लिहिले जातात. २१ व्या शतकात माध्यमांचे स्वरूप पूर्णतः बदलले. माध्यमे विशेषतः वृत्तपत्रे व्यवसायिक झाली. जी वृत्तपत्रे व्यवसायिकतेपासून दूर राहिली ती बंद पडली. दै. मराठवाडा हे याचे सर्वाधिक उत्तम उदाहरण होय. व्यावसायिक माध्यमांत वैचारिक आणि संशोधनात्मक लेखनाला कोणतेही स्थान राहिले नाही. त्यामुळे, एक मोठी पोकळी त्यातून निर्माण झाली. ही पोकळी ब्लॉग या नव्या माध्यमाने भरून काढली. २०१० सालापर्यंत मराठीतील वृत्तपत्रे आणि नियतकालिके यांना समांतर असा स्वतंत्र मीडिया ब्लॉगच्या रूपाने उभा राहिला. मराठीत शेकडो ब्लॉग लिहिले जातात. मेन स्ट्रिम मीडियापेक्षाही जास्त वाचकवर्ग ब्लॉगला आहे. मराठीतील अनेक नामांकित साहित्यिक संशोधक ब्लॉग लिहितात. पुरोगामी विचारांच्या ब्लॉगला वाचकांचा सर्वाधिक पाठिंबा मिळत असल्याचे दिसून येते.

ब्लॉगचे विविध प्रकार

१) सिंगल नीच (Single Niche) ब्लॉग :

आपण जर एखादा ब्लॉग बनवला आणि तो फक्त एकाच विषयासाठी मर्यादित ठेवला तर त्याला नीच किंवा सिंगल नीच ब्लॉग असे म्हणतात.

उदा. दैनंदिन लिखाण, चारोळ्या, पुस्तकांविषयी माहिती ( यामधे आपण पूर्ण ब्लोगसाठी एकच विषय निवडतो.)

२) मल्टी नीच (Multi Niche) ब्लॉग :

जर आपण एखादा ब्लॉग विविध विषयांवर बनवला तर त्याला मल्टी नीच ब्लॉग असे म्हणतात.

उदा. जॉब बद्दल माहिती + बातमी + चालू घडामोडी ( यामधे एकाच ब्लोगमधे विविध विषयातील मााहीती उपलब्ध असते)

मराठी भाषेतील गाजलेले ब्लॉग लेखक

मराठी भाषेत अनेक दिग्गज लेखक, साहित्यिक, संशोधक मंडळी आता ब्लॉग लेखन करू लागली आहे. अनेक पत्रकारही ब्लॉग लिहितात. सचिन परब, सूर्यकांत पळसकर ही काही पत्रकार मंडळी ब्लॉग लिहितात. बहुतांश मराठी ब्लॉगर स्वतःच्या नावानेच ब्लॉग लिहितात. काहींनी आपल्या ब्लॉगला स्वतंत्र नावे दिली आहेत.

आजच्या काळात कोणीही घरबसल्या लॅपटॉप किंवा मोबाइलच्या मदतीने कोणताही खर्च न करता ब्लॉगिंग करू शकतो.