बी.के. गोयल
| लिंग | पुरूष  |
|---|---|
| नागरिकत्व | भारत, ब्रिटिश भारत, भारतीय अधिराज्य |
| दिलेले नाव | B. |
| जन्म तारीख | १९ नोव्हेंबर 1935 |
| मृत्यू तारीख | २० फेब्रुवारी 2018 |
| मृत्युची पद्धत | नैसर्गिक कारणे |
| मृत्युचे कारण | cardiac arrest |
| व्यवसाय | cardiologist, surgeon |
| पुरस्कार | पद्मभूषण पुरस्कार, वैद्यकशास्त्रातील पद्मश्री पुरस्कारविजेते, पद्मविभूषण पुरस्कार |
डॉ. बाल कृष्ण गोयल उर्फ बी.के. गोयल (१९ नोव्हेंबर, १९३५ - २० फेब्रुवारी, २०१८) हे एक हृदयरोगतज्ज्ञ होते. गोयल हे प्रख्यात व्यक्तींबरोबरच तसेच गरीब रुग्णांचेही उपचार करीत. ते शेवटपर्यंत बॉम्बे हॉस्पिटलमध्ये मुख्य हृदयरोगतज्ज्ञ आणि मानद अधिष्ठाता पदावर होते.[१][२]
गोयल हे मुंबईतील बॉम्बे हॉस्पिटल इन्स्टिट्यूट ऑफ मेडिकल सायन्सेसच्या कार्डियोलॉजी विभागाचे प्रमुख होते. त्यासोबतच ते जे.जे. ग्रुप ऑफ हॉस्पिटल मध्ये कार्डियोलॉजीचे डायरेक्टर-प्रोफेसर म्हणून काम करीत. अवघ्या २९व्या वर्षी जे. जे. रुग्णालयातील हृदयरोग विभागाचे प्रमुख म्हणून त्यांची नियुक्ती झाली होती.[ संदर्भ हवा ]
कारकिर्द
[संपादन]गोयल हे 'बॉम्बे हॉस्पिटल इन्स्टिट्यूट ऑफ मेडिकल सायन्सेस'मध्ये मानद अधिष्ठाता आणि मुख्य हृदयरोगतज्ज्ञ होते. तसेच त्यांनी मुंबईच्या जे. जे. रुग्णालय समूह आणि ग्रँट मेडिकल कॉलेजमध्ये हृदयरोगशास्त्र (कार्डिओलॉजी) विभागाचे संचालक-प्राध्यापक म्हणून काम पाहिले होते.[२]
गोयल यांचा जन्म जयपूर जिल्ह्यातील सांबर लेक या शहरात झाला. त्यांनी अमेरिकेतील 'युनिव्हर्सिटी ऑफ अलाबामा' येथे कार्डिओलॉजीचे अभ्यागत प्राध्यापक आणि न्यू ऑर्लिन्स येथील 'ओश्नर हार्ट इन्स्टिट्यूट'मध्ये अभ्यागत हृदयरोगतज्ज्ञ म्हणून सेवा दिली. राज्य सरकारने त्यांना ग्रँट मेडिकल कॉलेजमध्ये 'प्रोफेसर एमेरिटस' (प्राध्यापक सन्माननीय) म्हणून नियुक्त करून त्यांचा गौरव केला होता. त्यांनी अनेक वर्षे मुंबई विद्यापीठाच्या कार्यकारी परिषद आणि सिनेटचे सदस्य म्हणून काम केले. ते भारत सरकारच्या आरोग्य आणि कुटुंब कल्याण केंद्रीय परिषद आणि 'भारतीय आयुर्विज्ञान परिषद' (मॅडिकल कौन्सिल ऑफ इंडिया) चे सदस्य देखील होते. गोयल यांनी 'हार्ट टॉक' नावाचे पुस्तक लिहिले आहे. ते हाफकिन संस्थेचे माजी अध्यक्ष होते.[३] जुलै २००७ मध्ये भारताच्या उपराष्ट्रपती पदासाठी त्यांच्या नावाचा प्रस्ताव ठेवण्यात आला होता.[३] तसेच १९८० मध्ये त्यांनी मुंबईचे नगरपाल म्हणून पद भूषवले होते.[४] गोयल यांनी विविध मान्यताप्राप्त भारतीय आणि जागतिक नियतकालिकांमध्ये ५० हून अधिक शोधनिबंध प्रकाशित केले. २०१२ मध्ये, ऑल इंडिया मेडिकल कौन्सिलने भारताच्या राष्ट्रपती पदासाठी त्यांच्या नावाचा प्रस्ताव मांडला होता.[५]
पुरस्कार आणि सन्मान
[संपादन]'नॅशनल ॲकॅडमी ऑफ मेडिकल सायन्सेस'चे निवडून आलेले फेलो म्हणून त्यांची ओळख होती.[६] त्यांना भारत सरकारतर्फे पद्मश्री (१९८४), पद्मभूषण (१९९०) आणि पद्मविभूषण (२००५) या नागरी सन्मानांनी गौरवण्यात आले होते.[७]
मृत्यू
[संपादन]हृदयविकाराच्या झटक्याने (Cardiac arrest) २० फेब्रुवारी २०१८ रोजी गोयल यांचे रुग्णालयात निधन झाले.[२]
संदर्भ
[संपादन]- ↑ "A birthday sans celebrations". The Times of India. 19 November 2007. 2015-05-22 रोजी पाहिले.
- 1 2 3 "Noted cardiologist B K Goyal dies in Mumbai". India Today. PTI. 20 February 2018. 2020-07-04 रोजी पाहिले.
- 1 2 "City docs root for Dr Goyal as vice-prez". Mumbai Mirror. July 18, 2007.
- ↑ "Cardiologist BK Goyal dead". Tribune India. February 1, 2018.
- ↑ "RIP: Padma Vibhushan cardiologist BK Goyal passes away". Mumbai Mirror. February 20, 2021.
- ↑ "List of Fellows" (PDF). National Academy of Medical Sciences. 2016. 19 March 2016 रोजी पाहिले.
- ↑ "Padma Awards" (PDF). Ministry of Home Affairs, Government of India. 2015. pp. 75, 88, 129. 15 October 2015 रोजी मूळ पान (PDF) पासून संग्रहित. 21 July 2015 रोजी पाहिले.