बीबीसी वर्ल्ड न्यूझ
.svg)
| उद्योग | वृत्तपत्रविद्या  |
|---|---|
| स्थापना | ११ मार्च 1991 |
| अधिकृत नाव | BBC World |
| ब्रीदवाक्याचा मजकूर | Putting News First |
| देश | युनायटेड किंग्डम |
| मालक संस्था | बीबीसी |
| पालक संस्था | बीबीसी |
| मुख्यालयाचे स्थान | Broadcasting House |
| मागील | BBC World Service Television |
| मूळ प्रसारक | BBC News |
| Language used | इंग्लिश भाषा |
| अधिकृत संकेतस्थळ | https://www.bbc.com/news/world_radio_and_tv |
बीबीसी वर्ल्ड न्यूझ हे इंग्रजी भाषेतील एक आंतरराष्ट्रीय सशुल्क दूरदर्शन नेटवर्क आहे. ही वाहिनी युनायटेड किंग्डमचा डिजिटल, सांस्कृतिक, मीडिया आणि क्रीडा या विभागांचा सरकारी निगम असलेल्या बीबीसीच्या बीबीसी ग्लोबल न्यूझ लिमिटेड या विभागाअंतर्गत चालवली जाते.[१]
या वाहिनीच्या कॉर्पोरेट PR नुसार, ग्लोबल न्यूझ ऑपरेशन्सच्या एकत्रित सात चॅनेलचा २०१६-१७ मध्ये साप्ताहिक अंदाजे ९९ दशलक्ष दर्शकांसह, त्यांच्या सर्व प्रतिस्पर्ध्यांमध्ये सर्वात मोठी प्रेक्षकांची संख्या आहे.[२]
11 मार्च 1991 रोजी युरोपबाहेर बीबीसी वर्ल्ड सर्व्हिस टेलिव्हिजन म्हणून लाँच केले गेले. त्याचे नाव 16 जानेवारी 1995 रोजी बीबीसी वर्ल्ड आणि 21 एप्रिल 2008 रोजी बीबीसी वर्ल्ड न्यूझ असे करण्यात आले. ही वाहिनी न्यूझ बुलेटिन, माहितीपट, जीवनशैली कार्यक्रम आणि मुलाखतींचे प्रसारण करते. बीबीसीच्या इतर देशांतर्गत चॅनेलच्या विपरीत, ते बीबीसी ग्लोबल न्यूझ लिमिटेडच्या मालकीचे असून त्यांच्याकडूनच ते चालवले जाते. ही संस्था बीबीसीच्या व्यावसायिक समूहाचा भाग आहे. हे चॅनेल युनायटेड किंग्डम टेलिव्हिजन परवान्याद्वारे चालवले जात नाही, तर सदस्यता आणि जाहिरातींच्या कमाईद्वारे त्याला वित्तपुरवठा केला जातो.
हे चॅनेल यूकेमध्ये प्रसारित केले जात नाही. परंतु बीबीसी वर्ल्ड न्यूझचे रिपोर्ट्स आणि कार्यक्रम हे बीबीसी न्यूझ चॅनेलद्वारे देखील वापरले जाते. हे चॅनेल बीबीसी स्टुडिओ ऑपरेशन्सपेक्षा वेगळे आहे. या चॅनेलच्या प्रसारण सेवेचा उद्देश रशिया टुडे, अल जझीरा आणि फ्रान्स २४ प्रमाणेच परदेशी बाजारपेठांसाठी आहे.
संदर्भ
[संपादन]- ↑ "BBC". GOV.UK (इंग्रजी भाषेत). 2022-07-11 रोजी पाहिले.
- ↑ "BBC's global audience rises to 372m". www.bbc.co.uk (इंग्रजी भाषेत). 2022-07-11 रोजी पाहिले.