प्रकाश जोशी
डाॅ. प्रकाश जोशी हे एक मराठी लेखक आहेत. त्यांनी गणितात डाॅक्टरेट मिळवली आहे. ते मुंबईच्या भाभा अणुसंशोधन केंद्रात ते काम करत होते. जोशी अँटार्क्टिका, परिभ्रमण, निसर्ग, नकाशा, वास्तुरचना, गणित, तत्त्वज्ञान, पर्यावरण-शेती पासून ते ललित-विनोदी कथांपर्यंतच्या विषयांवर लिखाण करतात. राष्ट्रीय-आंतरराष्ट्रीय नियतकालिकांतून जोशी यांचे ६०हून अधिक शोधनिबंध प्रसिद्ध झाले आहेत. जत्रा, दैवज्ञश्री, मेनका, ललना, वसंतश्री आदी दिवाळी अंकांतून त्यांच्या ४०-४५ विनोदी कथा छापून आल्या आहेत.
पुस्तके[संपादन]
- असा निसर्ग अशी माणसं (ललित)
- आळशी माणसाचा विषय गणित (ललित)
- ॠतुवैभव
- कृषिप्रयोगांची गाथा (माहितीपर)
- जीवनशैली : वैयक्तिक ते वैश्विक
- जैवसुखात - निसर्गस्नेही घरात
- द डार्कर साइड (अनुवादित कादंबरी, मूळ इंग्रजी, लेखक - कोडी मॅकफॅदियेन)
- देवस्थानांच्या अवतीभवती
- नकाशाच्या रेषांवरून चालताना : नकाशाचा आनंद, आस्वाद आणि आख्यायिका (ललित, माहितीपर, भूगोलाचॆ क्रमिक पुस्तक)
- भुतापाठी राजकारण (विनोदी कथासंग्रह; एकूण १० कथा)
- महाराष्ट्रातील जलाशय (माहितीपर)
- रमणीय सागरकिनारे
- विशाल हिमालय
- The Silent Reformer (पांडुरंगशास्त्री आठवले यांच्या राजेंद्र खेर यांनी लिहिलेल्या मराठी चरित्रााचा इंग्रजी अनुवाद), वगैरे.
पुरस्कार[संपादन]
- पदभ्रमणावरील एका पुस्तकाला कोमसापचा ललित साहित्य पुरस्कार
- पर्यावरणावरील एका पुस्तकाला महाराष्ट्र राज्य सरकारचा पुरस्कार