पोप ऑनरियस दुसरा

पोप ऑनरियस दुसरा (९ फेब्रुवारी, १०६० - १३ फेब्रुवारी, इ.स. ११३०:रोम) हा डिसेंबर २१, इ.स. ११२४ पासून मृत्यूपर्यंत पोपपदावर होता.

याचे मूळ नाव लँबर्तो स्कानाबेची होते.

कारकीर्द

पोप ऑनरियसने युरोप मधील राजे आणि चर्च यांच्यातील संबंध दृढ करण्यावर भर दिला. त्यांनी ११२२मध्ये झालेल्या वर्म्सच्या कॉन्कॉर्डेट नंतर उद्भवलेल्या गुंतागुंतीच्या राजकीय परिस्थिती त्याने कुशलपणे हाताळली आणि पवित्र रोमन सम्राट दुसऱ्या लोथैरला सत्तेवर येण्यास मदत केली. ऑनरियसने नाइट्स टेम्पलार या लष्करी धार्मिक संस्थेला चर्चची अधिकृत मान्यता दिली. याला क्रुसेडांच्या इतिहासातील एक महत्त्वाची घटना मानली जाते.

ऑनरियसने दक्षिण इटलीमध्ये पोप राज्यांच्या सीमांचे रक्षण करण्यासाठी लष्करी आणि राजनैतिक मोहिमा आखल्या होत्या.

त्याने माँते कॅसिनो येथील मठाधिपतींच्या अधिकारांवर निर्बंध घालून पोपचे वर्चस्व सिद्ध केले. त्याच्या कार्यकाळात चर्चमधील अंतर्गत गटबाजी काही प्रमाणात कमी झाली असली तरीही त्याच्या मृत्यूनंतर पुन्हा एकदा चर्चमध्ये दुफळी निर्माण झाली.