नीला सत्यनारायण

विकिपीडिया, मुक्‍त ज्ञानकोशातून
Jump to navigation Jump to search

नीला सत्यनारायण या १९७२च्या बॅचच्या एक निवृत्त सनदी अधिकारी असून त्या महाराष्ट्राच्या पहिल्या स्त्री निवडणूक आयुक्त होत्या.

नीला सत्यनारायण यांच्या सनदी अधिकारपदाच्या ३७ वर्षांच्या कारकिर्दीत त्यांनी मुलकी खाते, गृह खाते, वनविभाग, माहिती आणि प्रसिद्धी खाते, वैद्यक, समाजकल्याण, ग्रामीण विकास यांसारख्या अनेक खात्यांत प्रमुख पदांवर काम केले. याशिवाय त्या मराठी साहित्यिक आहेत. त्यांनी सुमारे १५० कविता लिहिल्या असून त्यांनी काही मराठी चित्रपटांसाठी आणि दोन हिंदी चित्रपटांसाठी संगीत दिग्दर्शन केले आहे.

नीला सत्यनारायण यांच्या कथेवरून बाबांची शाळा हा मराठी चित्रपट निघाला. त्याचे संगीत दिग्दर्शन त्यांनीच केले होते.

पुस्तके[संपादन]

  • आई-बाबांची शाळा (मार्गदर्शनपर)
  • आयुष्य जगताना
  • एक दिवस जीवनातला (अनुभवकथन)
  • एक पूर्ण - अपूर्ण (माहितीवजा)
  • ओळखीची वाट (कवितासंग्रह)
  • जाळरेषा (प्रशासकीय सेवेतील अनुभव)
  • टाकीचे घाव
  • डेल्टा १५ (प्रवासवर्णन)
  • तिढा (कादंबरी)
  • तुझ्याविना (कादंबरी)
  • पुनर्भेट (अनुभवकथन)
  • मी क्रांतिज्योती (अनुभवकथन)
  • मैत्र (ललित लेख)
  • रात्र वणव्याची (कादंबरी)
  • सत्य-कथा (व्यवसाय मार्गदर्शन)

प्रसिद्ध कविता[संपादन]

  • आकाश पेलताना (कविता)
  • आषाढ मेघ (कविता)
  • मातीची मने (कविता)

पुरस्कार[संपादन]

नीला सत्यनारायण यांना अनेक मिळालेले निवडक वाङ्मयीन आणि सांस्कृतिक पुरस्कार:

  • चारित्र्य प्रतिष्ठानतर्फे राष्ट्रीय चारित्र्य पुरस्कार
  • टाकीचे घाव या पुस्तकाला कोकण मराठी साहित्य परिषदेचा ललित गद्यासाठीचा अनंत काणेकर स्मृती पुरस्कार (इ.स. २०१५)
  • असीम (हिंदी कविता संग्रह) या पुस्तकाला केंद्र शासनाचा अहिंदी भाषी लेखक पुरस्कार
  • अमेरिकेतल्या मेरीलँड येथील 'इंटरनॅशनल लायब्ररी ऑफ पोएट्री'चे इंग्रजी कवितेसाठीचे एडिटर्स ॲवॉर्ड (इ. स. २०१५)[१]

संदर्भ[संपादन]

  1. ^ सत्यनारायण, नीला (२०१४). एक पूर्ण - अपूर्ण. मुंबई: ग्रंथाली प्रकाशन.