गांधीतीर्थ
गांधीतीर्थ हे जळगाव शहरातले एक निसर्गरम्य ठिकाण आहे. या ठिकाणी एका टेकडीवजा भागांत विविध प्रकारच्या झाडांनी, वेलींनी बहरलेला परिसर आहे. आंबा, गुलमोहर, कडुनिंब, विविध रंगांच्या बोगनवेली व आणखी बर्‍याच प्रकारचे वृक्ष या ठिकाणी डोलताना दिसतात.
गांधीतीर्थाच्या टेकडीवर भंवरलाल जैन यांनी सुरू केलेला आंतरराष्ट्रीय उद्योग समूह आहे. या समूहातर्फे फळांवर प्रक्रिया करणे, कांदा निर्जलीकरण, टिश्यू्कल्चरने केळीच्या झाडांची रोपे तयार करणे, शेतकर्‍यांना शेतीविषयक मार्गदर्शन करणे, शेतीची अवजारे बनविणे, बायोगॅस निर्मिती, ठिबक सिंचन, झाडांसाठी खत बनविणे अशी विविध प्रकारची कामे चालतात.
गांधीतीर्थावर चित्रपट, चित्रे व पुतळे यांच्या माध्यमांतून महात्मा गांधींचे जीवन दर्शविणारे अद्ययावत वातानुकूलित संग्रहालय आहे. गांधीजींसंदर्भांतील आणि त्यांना आवडणार्‍या विषयांतील अनेक ग्रंथ येथे येथे आहेत. तर येथे अभ्यासकांसाठी आरामदायी खोल्या आणि अभ्यासिका आहेत.