एचएमएस बुलडॉग

एचएमएस बुलडॉग नावाची रॉयल नेव्हीची सात जहाजे आत्तापर्यंत झालेली आहेत आणि आठवे जहाज निर्माणाधीन आहे.:

• एचएमएस बुलडॉग (१७९४) - १७९४मध्ये विकत घेतलेले ४ तोफी मालवाहू जहाज.
• एचएमएस बुल डॉग (१७८२) - १६ तोफी युद्धनौका. १७९८ मध्ये या नौकेचे बॉम्बफेकी जहाजात रुपांतर केले गेले. हे जहाज नकळत फेब्रुवारी १८०१मध्ये फ्रेंच ताब्यात असलेल्या अँकोना बंदरात गेले व पकडले गेले. काही महिन्यांनी ब्रिटिशांनी हे पुन्हा ताब्यात घेतले परंतु वाऱ्यामुळे तिला निसटता आले नाही फ्रेंचांनी तिला पुन्हा ताब्यात घेतले. सप्टेंबरमध्ये शेवटी एचएमएस चॅम्पियनने गॅलीपोली, अपुलिया येथे सुटका केली. बुलडॉग पोर्ट्समथला परतल्यावर या नौकेला तोफांची सामग्री पुरवण्याऱ्या जहाजात परिवर्तित केले गेले. अंततः डिसेंबर १८२९ मध्ये पोर्ट्समाउथ या नौकेला मोडीत काढले गेले.
• एचएमएस बुलडॉग (१८४५) - ही वाफेवर चालणारी लाकडी युद्धनौका होती. तिने १८४८ मध्ये पालेर्मोमधील बंडखोरांवर नेपोलिटन नौदलाचा गोळीबार थांबविला. हैतीमधील ब्रिटीश वाणिज्य दूतावास ताब्यात घेतलेल्या सरकारविरोधी बंडखोरांविरुद्धच्या मोहिमेचा एक भाग म्हणून हैतीच्या किनारपट्टीवर असताना ती १८६५ मध्ये जमिनीवर अडकली. नौकेची सुटका न करता आल्यामुळे तिच्या खलाशांनी तिचा नाश केला.
• एचएमएस बुलडॉग (१८७२) - ही अँट वर्गाची तिसऱ्या वर्गाची गनबोट होती. हिला १९०६मध्ये मोडीत काढले गेले.
• एचएमस बुलडॉग (१९०९) - बीगल वर्गाची विनाशिका. १९२०मध्ये मोडीत.
• एचएमएस बुलडॉग (एच९१) - या १९३०मध्ये जलावतरित विनाशिकेने दुसऱ्या महायुद्धादरम्यान संपूर्णावस्थेतील एनिग्मा यंत्र पकडले होते. याने नाझी जर्मनीच्या गुप्त खबरी मिळवण्यात दोस्त राष्ट्रांना यश आले.
• एचएमस बुलडॉग (ए३१७) - १९६७मध्ये जलावतरित बुलडॉग वर्गीय सर्वेक्षण नौकांमधील पहिली नौका. २००१मध्ये हिचे खाजगी बोटीत रुपांतरण झाले.
• एचएमएस बुलडॉग - ही ३१ प्रकारची फ्रिगेट निर्माणाधीन आहे.

संदर्भ आणि नोंदी

• Winfield, Rif & Stephen S Roberts (2015) French Warships in the Age of Sail 1786 - 1861: Design Construction, Careers and Fates. (Seaforth Publishing). आयएसबीएन 9781848322042ISBN 9781848322042