उंडी

विकिपीडिया, मुक्‍त ज्ञानकोशातून
Jump to navigation Jump to search


Broom icon.svg
या लेखातील मजकूर मराठी विकिपीडियाच्या विश्वकोशीय लेखनशैलीस अनुसरून नाही. आपण हा लेख तपासून याच्या पुनर्लेखनास मदत करू शकता.

नवीन सदस्यांना मार्गदर्शन
हा साचा अशुद्धलेखन, अविश्वकोशीय मजकूर अथवा मजकुरात अविश्वकोशीय लेखनशैली व विना-संदर्भ लेखन आढळल्यास वापरला जातो. कृपया या संबंधीची चर्चा चर्चापानावर पहावी.


मराठी नाव[संपादन]

उंडी

शास्त्रीय नाव[संपादन]

कॅलो फायलम इनो

Starr 010309-0546 Calophyllum inophyllum
Callophyllum inophyllum

महाराष्ट्राच्या किनारपट्टीवर समुद्रालगत आढळणारे हे एक अत्यंत सुंदर झाड. त्याचे शास्त्रीय नावसुद्धा त्याच्या सौंदर्याबद्दलच गुणगान करते. 'कॅलो फायलम इनो' हे या वृक्षाचे शास्त्रीय नाव. 'कॅलो' म्हणजे सुंदर, 'फायलम' म्हणजे पाने, 'इनो' म्हणजे पानांवरील शिरा किंवा तंतू. या वृक्षाची पाने हि पोपटी हिरव्या रंगाची असून रबराच्या पानांसारखी जड असतात. त्या पानांवरील शिरांच्या रचनेमुळे पाने खूपच सुंदर असतात. क्लुझीअेसी कुळातील हा वृक्ष. कोकम, नाग्केशाराची झाडे सुद्धा याच कुळातील. हा वृक्ष नक्की कोणत्या प्रदेशाचा ? या संदर्भात संभ्रम निर्माण करणाऱ्या नोंदी आढळतात. पूर्व आफ्रिकेचा सागरी किनारा, भारताचा पश्चिम किनारा, मलेशिया ते उत्तर ऑस्ट्रेलियाचा सागरी किनारा हि या वृक्षाची व्याप्ती. तरीसुद्धा हे झाड उत्तर ऑस्ट्रेलियाच्या किनार्याचे आहे असे बऱ्याच नोंदीमध्ये आढळते. आपल्याकडे हा वृक्ष कोकण किनारा, केरळ, मद्रास ते ओरिसातील कटकच्या समुद्रालगत, अंदमान-निकोबार, पश्चिम बंगाल आणि अरुणाचलमध्ये सापडतो. सदरहित असणारा हा वृक्ष २०-२५ फुट उंच वाढतो व पसरतो. फुले साधारण वर्षभर येतात परंतु खरा बहर मात्र डिसेंबर ते जानेवारी महिन्यात येतो. इंचभराच्या पांढऱ्या रंगाच्या फुलांत असंख्य पिवळे पुंकेसर असतात. स्त्रीकेसर हा स्प्रिंगसारख्या आकाराचा असून पुंकेसरापेक्षा जास्त लांब व त्याचे टोक हे लालसर व छोटाशा भूछत्रासारखे दिसते. या झाडाचे बीजप्रसारण वटवाघळांमार्फत तसेच समुद्राच्या पाण्याच्या मदतीने होते. बिया समुद्राजवळील वाळूत आणि चिखलात वेगाने रुजतात. झाड समुद्रापासून दुरही वाढू शकते परंतु ती वाढ मात्र वेगाने होत नाही. झाद्झ्च्या खोडातून अथवा पान तोडल्यास देठातून पिवळसर रंगाचा चीक निघतो. फळे आणि बियांपासून तेल काढतात. वेगवेगळ्या प्रदेशात या तेलाला वेगवेगळे नाव आहे तसेच त्याचे उपयोगहि वेगवेगळे आहेत. प्रशांत महासागरातील बेटांवर या तेलाचा उपयोग त्वचा रोगांवर होतो. कुष्ठरोग्यांवरसुद्धा या तेलाचा यशस्वी उपयोग करण्यात आला आहे. आपल्याकडे कोकणामध्ये या तेलाचा उपयोग संधिवातावर करतात. वंगनाचे तेल म्हणूनही वापर केला जातो. तेलाला मंद सुवास येत असल्यामुळे ॲरोमा थेरपीमध्येहि याचा वापर होतो.

संदर्भ[संपादन]

वृक्षराजी मुंबईची डॉ.मुग्धा कर्णिक [[१]]