ईस्टर्न एअरलाइन्स

विकिपीडिया, मुक्‍त ज्ञानकोशातून
(ईस्टर्न एरलाइन्स या पानावरून पुनर्निर्देशित)
Jump to navigation Jump to search
Disambig-dark.svg

ईस्टर्न एअरलाइन्स अमेरिकेतील विमानवाहतूक कंपनी होती. मायामी आंतरराष्ट्रीय विमानतळावर मुख्य ठाणे असलेली ही कंपनी १९२६मध्ये एडी रिकेनबाकरने स्थापन केली होती. या कंपनीने अमेरिकेच्या पूर्व भागातील विमानवाहतुकीवर वर्चस्व ठेवले होते. विशेषतः न्यूयॉर्क आणि फ्लोरिडादरम्यानच्या वाहतूकीवर १९५०च्या दशकापर्यंत ईस्टर्न एअरलाइन्सचा जवळजवळ एकाधिकार होता व नंतरही या दोन ठिकाणांमधील बव्हंश वाहतूक ईस्टर्न एअरलाइन्स करायची. १९८०च्या आसपासच्या काही वर्षांत या कंपनीचे नेतृत्व अंतराळवीर फ्रँक बोर्मनने केले. या काळात ईस्टर्न एअरलाइन्समधील कामगारांनी केलेल्या चळवळीमुळे व संपामुळे, तसेच कर्जबोजा वाढल्याने कंपनी डबघाईला आली. १९८५मध्ये फ्रँक लॉरेंझोने ही कंपनी विकत घेऊन तिच्या बऱ्याचशा मालमत्ता कॉन्टिनेन्टल एअरलाइन्स आणि टेक्सास एअरकडे हस्तांतरित केल्या. १९८९मध्ये झालेल्या मोठ्या संपातून सावरता न आल्याने ईस्टर्न एअरलाइन्सने १९९१मध्ये दिवाळे काढले.

या कंपनीचे हक्क असलेले बरेचसे मार्ग अमेरिकन एअरलाइन्सला मिळाले तर तिची लॉकहीड एल-१०११ विमाने डेल्टा एअर लाइन्सने घेतली.