पुनीत बालन

पुनीत बालन
निवासस्थान	पुणे
राष्ट्रीयत्व	भारतीय
नागरिकत्व	भारतीय
पेशा	उद्योजक, क्रिकेट खेळाडू, चित्रपट निर्माते व सामाजिक कार्यकर्ते.
संकेतस्थळ www.punitbalan.com

पुनीत बालन हे भारतीय उद्योजक, चित्रपट निर्माते , क्रिकेट खेळाडू व सामाजिक कार्यकर्ते आहेत. ऑटोमोबाईल, रिअल इस्टेट, माहिती तंत्रज्ञान क्षेत्रात उल्लेखनीय कामगिरी करणारे प्रसिद्ध उद्योजक एस. बालन यांचे ते सुपुत्र आहेत. श्रीमंत भाऊसाहेब रंगारी गणपतीचे ते विश्वस्त तसेच उत्सवप्रमुख आहेत. पुणे जगवर्स (टेनिस), मुंबई खिलाडीज (खो खो), महाराष्ट्र आयर्न मॅन (हॅन्डबॉल), प्रीमिअर बॅडमिंटन, टेबल टेनिस  असे विविध क्रीडा प्रकारातील संघाचे ते मालक आहेत. काश्मीरी विद्यार्थ्यांना ज्ञानदान करण्यासाठी त्यांनी भारतीय लष्कराकडून चालविण्यात येत असलेल्या दहा शाळा भारतीय लष्करासोबत चालविन्यास घेतल्या असून या सर्व शाळा बारामुल्ला, कुपवाडा, अनंतनाग, पेहलगाम, पुलवामा, शोपियान, उरी, त्रेगम, व्हेन, घुरेस या भागात या सर्व शाळा आहेत.  बारामुल्ला येथील विशेष मुलांसाठी असलेल्या डगर स्कुलला देखील भारतीय लष्करासोबत ते चालवत आहेत. काश्मीर मध्ये केलेल्या समाजकार्याबद्दल पुनीत बालन यांना भारतीय लष्कराकडून गौरवण्यात आले.

एकशे पन्नास फूट उंच तिरंगा

पुनीत बालन यांनी शोफियान येथे चिनार कॉर्पस भारतीय लष्कराच्या साहाय्याने जम्मू काश्मीर मधील सर्वात उंच एकशे पन्नास फूट उंच तिरंगा उभारला.

चित्रपट निर्मिती

मुळशी पॅटर्न या चित्रपटाची निर्मिती पुनीत बालन यांनी केली असून, बॉलीवूडचे अभिनेते सलमान खान यांनी या चित्रपटाची हिंदी मद्धे 'अंतिम' या नावानी निर्मिती केली. रितेश देशमुख आणि जेनेलिया देशमुख यांना घेऊन महेश लिमये दिग्दर्शित आशेची रोषणाई या लघुपटाची निर्मिती केली. काश्मीर मद्धे हिंदूंची सद्य परिस्थिती सांगणारा शरद मल्होत्रा अभिनित 'द हिंदू बॉय' या लघुपटाची त्यांनी निर्मिती केली. भारतीय लष्करासोबत पुनीत बालन यांनी 'गुड शॉट' लघुपटाची निर्मिती केली. काश्मीर भागातील कलावंतांना घेऊन पुनीत बालन यांनी भारतीय लष्करासोबत 'अमन का आशियाना' या गीताची तसेच नातेसंबंधावर भाष्य करणारा 'जग्गू आणि ज्युलिएट' या चित्रपटाची त्यांनी निर्मिती केली.   

इंद्राणी बालन फाउंडेशन

शहीद जवानांच्या कुटुंबियांना आर्थिक मदत , ग्रामीण भागातील निराधार, गरीब विद्यार्थ्यांना दत्तक घेऊन त्यांना सायकल, संगणक, दप्तर पुरवून भावी पिढीला ताकद देण्याचे काम इंद्राणी बालन फाउंडेशन तर्फे केले जाते. पुनीत बालन इंद्राणी बालन फाउंडेशनचे अध्यक्ष्य आहेत. इंद्राणी बालन फाउंडेशन तर्फे श्रीमंत भाऊसाहेब रंगारी भवन या क्रांतिकारी इतिहास असलेल्या ऐतिहासिक वास्तूचे नूतनीकरण केले.

श्रीमती इंद्राणी बालन सायन्स अ‍ॅक्टिव्हिटी सेंटर

आर्थिकदृष्टय़ा दुर्बल घटकातील शालेय विद्यार्थ्यांना तसेच शिक्षकांनाही विज्ञान या विषयात गोडी निर्माण व्हावी यासाठी पुनीत बालन यांनी ‘आयसर’च्या परिसरात ४० हजार चौरस फुटांच्या जागेत 'श्रीमती इंद्राणी बालन सायन्स अ‍ॅक्टिव्हिटी सेंटर' या प्रयोगशाळा बांधली, या केंद्रात विज्ञानातील प्रयोगांच्या सादरीकरणासह व्याख्याने, विज्ञान प्रदर्शने असे उपक्रम राबवले जातात.

ऑनलाईन सांस्कृतिक महोत्सव

कोरोनाच्या पार्श्वभूमीवर गणेशउत्सवाची परंपरा खंडित होऊ नये म्हणून श्रीमंत भाऊसाहेब रंगारी गणपती ट्रस्टचे उत्सवप्रमुख पुनीत बालन यांनी ऑनलाईन सांस्कृतिक महोत्सव २०२० ही संकल्पना प्रथमच प्रत्यक्षात आणली, शंकर महादेवन, जावेद अली, राकेश चौरसिया, पंडित विजय घाटे, चारुदत्त अफळे, आनंदी जोशी, हृषीकेश रानडे, प्रियांका बर्वे, अजय अतुल, प्रवीण तरडे, नंदेश उमप, मृणाल कुलकर्णी, भार्गवी चिरमुले, श्रुती मराठे, मुग्धा वैशंपायन, कार्तिकी गायकवाड, प्रथमेश लघाटे असे अनेक नामवंत कलाकार यात सहभागी झाले, तसेच कोरोनाचा प्रादुर्भाव रोखण्यासाठी पुनीत बालन यांच्यातर्फे भाविकांना ऑनलाइन दर्शन सुविधा उपलब्ध करण्यात आली.