मिग-२७

विकिपीडिया, मुक्‍त ज्ञानकोशातून

मिकोयान गुरेविच २७ तथा मिग-२७ (रशियन: Микоян МиГ-27)हे रशियन बनावटीचे लढाऊ विमान आहे. हिंदुस्तान एरोनॉटिक्स लिमिटेड ही भारतीय कंपनी या विमानाचे उत्पादन बहादुर या नावाने करते. या विमानाला नाटोच्या सैन्याने फ्लॉगर डी/जे असे संकेतनाव दिलेले आहे.

या विमानाची रचना मिग-२३ या विमानाच्या रचनेवर आधारित आहे. मिग-२७मध्ये आकाशातून जमिनीवर मारा करण्याची यंत्रणा जास्त विकसित केली गेली. मिग-२७चा वापर मिग-२३ इतका झाला नाही. अनेक राष्ट्रांनी मिग-२७च्या ऐवजी मिग-२३बीएन किंवा सुखोई एसयू-२५ विकत घेणे जास्त पसंत केले. सध्या फक्त भारतीय वायुसेना, श्रीलंकी वायुसेना आणि कझाक वायुसेना या विमानाचा वापर करतात. रशिया आणि युक्रेनच्या वायुसेनांनी ही विमाने निवृत्त केली आहेत.