जे.के. रोलिंग

विकिपीडिया, मुक्‍त ज्ञानकोशातून
जे.के. रोलिंग
Jk-rowling-crop.JPG
जे.के. रोलिंग
पूर्ण नाव जोआन रोलिंग
जन्म ३१ जुलै, १९६५ (1965-07-31) (वय: ४८)
येट, ग्लॉस्टरशायर, इंग्लंड
कार्यक्षेत्र साहित्य
राष्ट्रीयत्व Flag of the United Kingdom युनायटेड किंग्डम
भाषा इंग्लिश
साहित्यप्रकार कादंबरी
प्रसिद्ध साहित्यकृती हॅरी पॉटर
पुरस्कार ऑथर ऑफ द इयर(२०००) ब्रिटिश बुक्स
वडील पीटर
आई अ‍ॅन्
पती नील मुर्हे
अपत्ये २ मुली, १ मुलगा
संकेतस्थळ अधिकृत संकेतस्थळ

जोआन रोलिंग (लेखननाम: जे.के. रोलिंग ; इंग्लिश: J. K. Rowling ;) (जुलै ३१, इ.स. १९६५; येट, ग्लॉस्टरशायर, इंग्लंड - हयात) ही एक ब्रिटिश लेखिका आहे. तिने निर्मिलेली हॅरी पॉटर या काल्पनिक व्यक्तिरेखेशी निगडित कादंब‍र्यांची मालिका इंग्लिश साहित्यक्षेत्रात प्रचंड लोकप्रिय झाली आहे. इ.स. १९९० साली मँचेस्टर ते लंडन या रेल्वेप्रवासात तिला या मालिकेची कल्पना स्फुरल्याचे म्हटले जाते. हॅरी पॉटर पुस्तकांना अनेक पुरस्कार मिळाले आहेत. त्याच्या जवळपास ४० कोटी प्रती जगभरात विकल्या गेल्या आहेत, तसेच त्यावर आधारित चित्रपटदेखील लोकप्रिय ठरले आहेत.

रोलिंग हिच्या पुस्तकांइतकीच तिची जीवनकहाणीदेखील लोकांना रोमांचकारक वाटते. हॅरी पॉटर पुस्तकांच्या तडाखेबंद खपामुळे अवघ्या पाच वर्षांत ती लखपती बनली. मार्च इ.स. २०१० सालातल्या फोर्बसच्या कोट्यधीशांच्या यादीत जे.के. रोलिंगला स्थान देताना त्यांनी तिची संपत्ती १ अब्ज अमेरिकन डॉलरांइतकी असल्याचे नमूद केले आहे. इ.स. २००७ साली फोर्ब्स प्रभावी व्यक्तिमत्त्वांच्या नामावळीत रोलिंग ही अठ्ठेचाळीसाव्या क्रमांकावर होती. इ.स. २००७ सालच्या टाइम नियतकालिकाच्या 'पर्सन ऑफ द इयर' नामांकनात जे.के. रोलिंग दुसर्‍या स्थानी होती. ऑक्टोबर इ.स. २०१०मध्ये, ब्रिटनातील काही प्रमुख नियतकालिकांच्या संपादकांनी रोलिंग हिला 'ब्रिटनातील सर्वांत प्रभावशाली महिला' म्हणून गौरवले. एकच पालक असलेल्या कुटुंबांसाठी कार्य करणार्‍या संस्था, मल्टिपल स्क्लेरॉसिस सोसायटी ऑफ ग्रेट ब्रिटन अशा अनेक समाजसेवी संस्थांसाठी तिने योगदान दिले आहे.

बाह्य दुवे[संपादन]

Commons-logo.svg
विकिमीडिया कॉमन्सवर खालील विषयाशी संबंधित संचिका आहेत: