गुलाबजांब

विकिपीडिया, मुक्‍त ज्ञानकोशातून
पाकातील गुलाबजांब

गुलाबजांब (मराठी लेखनभेद: गुलाबजाम) हा भारतीय उपखंडात प्रचलित असणारा, मिठाई वर्गातील खाद्यपदार्थ आहे. खव्यात काही प्रमाणात मैदा मिसळून केलेल्या गोळ्यांपासून गुलाबजांब बनवले जातात. हे गोळे तेलात [तळणे|तळून]] नंतर साखरेच्या पाकात बुडवून ठेवले जातात. काही वेळा या साखरेच्या पाकात वेलदोडा, गुलाबपाणी, केशर, केवडा यांचा स्वाद दिला जातो. साखरेच्या पाकातल्या गुलाबजांबांप्रमाणेच साखरेत घोळवलेले सुके गुलाबजांबदेखील काही ठिकाणी बनवले जातात.

भारतीय उपखंडाखेरीज तुर्कस्तानात केमालपाशा तात्लिसी (अर्थ: केमाल पाशा मिठाई ) नावाचा गुलाबजांबांसारखा खाद्यपदार्थ बनवला जातो. स्थानिक चिझाच्या गोळ्यांना साखरेच्या पाकात बुडवून तो खाद्यपदार्थ बनवतात.

पाकप्रक्रिया[संपादन]

खवामैदा याचे मिश्रण करून त्याचे कणकेसारख्या पोताचे मिश्रण बनवतात. या मिश्रणाचे हातांवर वळून गोल किंवा अंडगोल आकारात गोळे बनवले जातात. मग हे गोळे मंद आचेवर उकळत ठेवलेल्या तेलात तळले जातात. गोळे तळून झाल्यावर साखरेच्या पाकात टाकले जातात.

साखरेचा पाक बनवण्यासाठी पाण्यात साखर घालून त्यास उकळी येईपर्यंत तापवले जाते. पाण्यात साखर विरघळल्यानंतर साखरेचा पाक तयार होतो. स्वादासाठी त्यात वेलदोड्याची पूड, केशर गुलाबपाणी किंवा केवड्याचा अर्क टाकला जातो.

बाह्य दुवे[संपादन]

Commons-logo.svg
विकिमीडिया कॉमन्सवर संबंधित संचिका आहेत



Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.