२०१६ सियाचीन हिमनदी हिमस्खलन

दिनांक ३ फेबुवारी २०१६ला भारतीय सेनेच्या तळावर मोठ्या प्रमाणात हिमावसरण (इं-avalanche) झाले. हे स्थान सियाचीन ग्लेशियरच्या उत्तरी भागात आहे. यात भारतीय सेनेचे १० जवान त्या कोसळलेल्या बर्फाच्या एका मोठ्या थराखाली खोलवर दबल्या गेले.

सुटका अभियान

या दबलेल्या जवानांना बाहेर काढण्यासाठी भारतीय सेनेने एक अभियान राबविले. भारतीय सेनेच्या मद्रास रेजिमेंटच्या १९व्या फलटणीतील लान्सनायक हनुमंतप्पा कोप्पड हे या हिमावसरणाखाली ६ दिवसानंतर जीवंत सापडले. त्यांची ३५ फूट (११ मी) फूट खोल बर्फाच्या आवरणाखालून सुटका करण्यात आली तेंव्हा ते जीवंत होते.त्यावेळेस तेथील तापमान हे उणे४५°सें. इतके होते. ते सहा दिवस बर्फात अडकले होते. ही घटना समुद्रसपाटीपासून सुमारे १९,६०० फूट (६,००० मी) इतक्या उंचीवर घडली. यात इतर ९ जवानांचा मृत्यु झाला.

यानंतर हनुमंतप्पा यांचा दिल्लीच्या सैनिकी इस्पितळात उपचारादरम्यान, बर्फाघातामुळे त्यांचे अवयवांचे निकामी होण्याने, दि. ११ फेब्रुवारी २०१६ला, ११.४५ वाजता मृत्यु झाला.