हिवाळी युद्ध

विकिपीडिया, मुक्‍त ज्ञानकोशातून
Jump to navigation Jump to search

हिवाळी युद्ध हे दुसऱ्या महायुद्धादरम्यान सोव्हियेत संघ आणि फिनलंडमध्ये झालेले युद्ध होते. ३० नोव्हेंबर, १९३९ रोजी सोव्हियेत संघाने विनाकारण फिनलंडवर आक्रमण केले. सुरुवातीस फिनलंडने सोव्हियेत संघाला रोखून धरले व मोठ्या प्रमाणात सोव्हियेत संघाचे नुकसान केले परंतु सोव्हियेत संघाकडे मोठ्या प्रमाणात मनुष्यबळ, रणगाडे आणि विमाने असल्याने चार महिन्यांतच फिनलंडने नांगी टाकली व मॉस्कोचा तह स्वीकारला. या तहानुसार सोव्हियेत संघाने फिनलंडचा कारेलियन द्वीपकल्प, कारेलिया, रायबाची द्वीपकल्प आणि फिनलंडच्या आखातातील बेटे गिळंकृत केली. पंधरा महिने हा तह टिकला. जर्मनीने सोव्हियेत संघावर चाल केल्यावर फिनलंडने त्यांच्या साथीने सोव्हियेत संघाशी पुन्हा एकदा युद्ध सुरू केले.