हापूस आंबा

हापूस ही एक आंब्याची जात आहे. हापूस आंबा त्याच्या उत्तम चवीसाठी व अप्रतिम गोडीसाठी प्रसिद्ध आहे. रत्‍नागिरी आणि देवगड परिसरातील मिळणारा आंबा आहे.

नावाची व्युत्पत्ती

अफोन्सो दि आल्बुकर्क या पोर्तुगीज दर्यावर्दी वरून या आंब्याला अल्फान्सो हे नाव मिळाले. याचा अपभ्रंश होऊन भारतीय भाषांमध्ये याला हापूस असे म्हणतात.

उत्पादक प्रदेश

हापूसचे उत्पादन पश्चिम भारतात प्रामुख्याने कोकणात होते. याचा मोसम एप्रिल व मे मध्ये असतो. महाराष्ट्रातील सिंधुदुर्ग, रत्‍नागिरी येथील हापूस आंबे उत्तम मानले जातात.

पदार्थ

हापूस पासून आंबापोळी, आंबावडी, आमरस, आम्रखंड, आंबा मोदक इत्यादी पदार्थ बनवले जातात.

भौगोलिक निर्देशांक

हापूस आंब्याला भौगोलिक निर्देशांकासाठी तत्त्वता मान्यता मिळाली आहे. देवगड हापूस आंबा व रत्‍नागिरी हापूस आंबा असे दोन स्वतंत्र भौगोलिक निर्देशांक हापूस आंब्याला बहाल करण्यात आले आहे.