नारायण वासुदेव गोखले

चित्रकार ना.वा.गोखले यांचे संपूर्ण नाव नारायण वासुदेव गोखले. लोक यांना नाना गोखले म्हणून संबोधतात. त्यांचा जन्म ३ जून १९११रोजी झाला. ते उत्तम चित्रकार असून एकेकाळी शास्त्रीय संगीत गात होते, पेटीही वाजवत. पण पुढे पुढे श्रवणशक्ती संपल्यामुळे हे सर्व बंद झाले. नानांच्या चित्रांची प्रदर्शने मुंबईसकट अनेक शहरांतून झाली आणि अजूनही होतात.

नानांचा शंभरावा वाढदिवस नागपूरमध्ये सिस्फाच्या (सेन्ट्रल इन्स्टिट्यूट ऑफ फाइन आर्ट्‌स) चित्रगॅलरीत साजरा झाला होता. त्यावर्षीची कोजागिरी सर्व वयाच्या चित्रकारांनी रात्ररभर चित्रे काढून साजरी केले. ना.वा.गोखलेही चित्रे काढत होते, आणि तरुण चित्रकार त्यांना न्याहाळत होते..

ना.वा.गोखले हे दर्यापूरच्या प्रबोधन हायस्कूलचे मुख्याध्यापक म्हणून निवृत्त झाले. पत्‍नी शांताबाई जिवंत होत्या तोपर्यंत ते दर्यापूरला रहात. आता आपल्या विवेक नावाच्या मुलाकडे नागपूरला राहतात. नाना चित्रकार तर आहेतच, पण त्यांना उत्तम संस्कृत येते. नानांचे दर्यापूरच्या पंचक्रोशीचा रंगरेषाबद्ध इतिहास हे पुस्तक प्रसिद्ध आहे.

अन्य ग्रंथसंपदा

• गाडगे माहात्म्य (काव्य्रूप चरित्र)
• गांधी विजय(काव्यरूप चरित्र)
• गीतेचा इंग्रजी अनुवाद
• गीतेचे दोन भाष्यकार : शंकराचार्य आणि ज्ञानेश्वर
• गीतेत काय आहे ?
• ’जुना करार’ चे ओवीरूप भाषांतर
• थेम्सच्या तीरावरून (लेखमाला)
• दासबोधात काय आहे ?
• भगवद्‌गीतेचे समश्लोकी हिंदी रूपांतर
• सांध्यसूक्ते (काव्यसंग्रह)

कुटुंब

नानांच्या पत्नी कै. शांताबाई , पुत्र तत्त्वज्ञानाचे प्राध्यापक विवेक, नातू योगेश, नात डॉ.साधना शिलेदार, पणती संयुजा वगैरे.