आंबट चुका

चुका. इंग्रजी : Bladder-dock; शास्त्रीय नाव : Rumex versicarius; कुळ : Polygonaceae ही भाजी नावाप्रमाणे आंबट असते. चुक्याचे झुडुप १५ ते ३० सेंमी उंच असते. पाने कडक आणि गोलसर असतात. देठदेखील बराच मऊ असतो. चुक्याला तुळशीसारखे पण लालसर दिसणारे तुरे(मंजिर्‍या) येतात. याच्या बिया शेवरीच्या कापसासारख्या असतात.

आंबटचुक्याची भाजी लागणारा वेळ: २० मिनिटे वाढणी/प्रमाण: ३-४ व्यक्ती लागणारे जिन्नस: आंबटचुक्याची एक जुडी मूठभर हरबरा डाळ (किंवा तुरीची आणि हरबर्‍याची निम्मी निम्मी) मूठभर शेंगदाणे १-२ लहान चमचे दाण्याचा कूट गुळाचा लहान खडा लाल तिखट मीठ गोडा मसाला लसूण-खोबर्याचा छोटा गोळा फोडणीसाठी - तेल, कढीलिंब, हिंग, जिरे, मोहरी, हळद, हिंग पाणी लागेल तसे भाजी निवडून, धुऊन, चिरून घ्यावी. डाळ धुऊन घ्यावी. कुकरला डाळ(किंवा डाळी), दाणे, भाजी आणि थोडे पाणी घालून शिजवून घ्यावे. शिजलेली भाजी नीट घोटून घ्यावी. उभ्या पातेल्यात तेलाची फोडणी करून घ्यावी. त्यात लसूण-खोबर्‍याचा गोळा घालावा. वर घोटलेली भाजी घालावी. मीठ, तिखट, मसाला आणि थोडे पाणी घालून मस्त उकळी काढावी. शेवटी गूळ आणि दाण्याचा कूट घालून परत एक उकळी आणावी. भाकरी, चपाती, भात कशाहीबरोबर मस्तच लागते.