के.ना. वाटवे

डाॅ. केशव नारायण वाटवे (जन्म {१९ एप्प्रिल १८९५; मृत्यू : ९ मे १९८१) हे एक मराठीचे प्राध्यापक आणि लेखक होते. त्यांचे शिक्षण औंध (सातारा) आणि पुणे येथे झाले. ते शरद तळवलकारांचे सासरे लागत.

के.ना. वाटवे हे संस्कृत आणि मराठी साहित्याचे रसिक अभ्यासक होते. संस्कृत व मराठी साहित्याची सूक्ष्म आणि रसिक परीक्षणे करून त्यांनी काही पुस्तके लिहिली.

के.ना. वाटवे यांनी लिहिलेली पुस्तके

• किरार्जुनीयम् कथा
• नलदमयंती काव्य (छंदोबद्ध काव्य)
• पंडिती काव्य
• प्राचीन मराठी पंडिती काव्य
• माझी वाटचाल (आत्मचरित्र)
• रसविमर्श
• (पंच महाकाव्याधिष्ठित) संस्कृत काव्याचे पंचप्राण
• संस्कृत नाट्यसौंदर्य
• संस्कृत साहित्यातील विनोद

के.ना. वाटवे यांना मिळालेले सन्मान आणि पुरस्कार

• डाॅ. के.ना. वाटवे यांच्या 'रसविमर्श' या पुस्तकाला सन १९४२ सालातील उत्कृष्ट पुस्तक म्हणून मुंबई विद्यापीठाचे दादोबा पांडुरंग तर्खडकर पारितोषिक मिळाले.
• त्याच पुस्तकाला भोर येथील शंकराजी नारायण पारितोषिक
• त्याच पुस्तकाला डेक्कन सोसायटीची इचलकरंजी पारितोषिक
• के.ना. वाटवे यांचा रसविमर्श हा ग्रंथ मुंबई, पुणे, नागपूर, कर्नाटक, गुजराथ येथी विद्यापीठांनी बी,ए.ला व एम.ए.ला लावला.