अशोक बेंडखळे

अशोक बेंडखळे हे एक मराठी लेखक, समीक्षक व संपादक आहेत. ते मुंबई महानगर टेलिफोन निगम या शासकीय उपक्रमातून प्रदीर्घ सेवेनंतर उपमहाव्यवस्थापक पदावरून निवृत्त झाले. लोकसत्ता, महाराष्ट्र टाइम्स, लोकप्रभा, साप्ताहिक सकाळ, नवशक्तीसारख्या दैनिक नियतकालिकांमधून त्यांनी अनेक वर्षे लेखन केले. स्तंभलेखन त्यांच्या विशेष आवडीचे क्षेत्र होते. त्यांची सदरेही वाचकांच्या पसंतीस उतरत असत.

अशोक बेंडखळे ह्यांनी २४हून अधिक पुस्तके लिहिली आहेत. 'साहित्य' या दिवाळी अंकाचे ते संपादक आहेत.

अशोक बेंडखळे यांनी लिहिलेली पुस्तके

• ५१ गाजलेली भाषणे (संपादित)
• ऐतिहासिक महाड
• निवडक पिंगे (संपादित)
• बखर एका पांडुरंगाची (चरित्र)
• महाराष्ट्राच्या पंचकन्या (५ पुस्तकांची चरित्रमालिका)
• २६/११ ची शौर्यगाथा

पुरस्कार

• बेंडखळे यांना नऊ साहित्य पुरस्कारांनी सन्मानित केले गेले आहे, त्यांमध्ये डॉ. सी. डी. देशमुखांवरील पुस्तकाला नवी दिल्लीच्या राष्ट्रीय शैक्षणिक आणि प्रशिक्षण परिषदेचा (एनसीईआरटी) आणि २००० सालच्या बाल साहित्य पुरस्काराचा समावेश आहे.