पिंपरी-चिंचवड महानगरपालिका

देशातली सर्वात श्रीमंत असलेली पिंपरी-चिंचवड नगरपालिका इ.स. १९८६साली महापालिका झाली. त्यानंतर शहराचे काम पिंपरी-चिंचवड महानगरपालिकेतर्फे चालू लागले. हिचे मुख्यालय पिंपरी येथे आहे.

पिंपरी चिंचवड गावात सामाविष्ट झालेली गावे आणि त्यांच्या ग्राम पंचायती

• आकुर्डी
• किवळे
• चऱ्होली
• चिखली
• चिंचवड
• तळवडे
• ताथवडे
• थेरगाव
• दापोडी
• दिघी
• निगडी
• पिंपरी
• पिंपळे गुरव
• पुनावळे
• बोपखेल
• भोसरी
• मामुर्डी
• मोशी
• रावेत
• वाकड
• सांगवी

महापौर

पिंपरी महापालिकेची पहिली सार्वत्रिक निवडणूक इ.स. १९८६मध्ये झाली. आतापर्यंतच्या महापौरपदासाठी मराठा समाजाला सर्वाधिक व त्याखालोखाल माळी समाजाला संधी मिळाली. वाघेरे पितापुत्रांनी, तर लांडे पती-पत्‍नींनी हे पद भूषवले आहे. आर.एस. कुमार व बहल हे अमराठी महापौर झाले आहेत. फरांदे पहिल्या महिला महापौर ठरल्या. पवळे यांच्या काळात महापौरपदाचा कालावधी अडीच वर्षांचा झाला. त्यानंतरच्या महापौरांमध्ये मंगला कदम, बहल व मोहिनी लांडे यांना अडीच वर्षांचा कालावधी मिळाला. भिकू वाघेरे व मधुकर पवळे यांचे पदावर असताना निधन झाले. मोहिनी लांडे यांच्या अडीच वर्षांच्या कारकिर्दीनंतर २०१४च्या महापौरपदासाठी अनुसूचित जमातीचे आरक्षण जाहीर झाले. त्यामुळे २०१४ सालच्या उत्तरार्धात या प्रवर्गातील शकुंतला धराडे यांना पिंपरी-चिंचवड महापालिकेच्या महापौर होण्याची संधी मिळाली आहे. सध्या भाजपाचे नितिन काळजे महापौरपदी विराजमान आहेत. भोसरीतील ज्ञानेश्वर लांडगे यांना पहिल्या महापौरपदाचा मान मिळाला. त्यानंतरचे महापौर:-

• पिंपरी गावातील भिकू वाघेरे
• सांगवीतील नानासाहेब शितोळे
• आकुर्डीतील तात्या कदम
• पिंपरी-भाटनगरचे कविचंद भाट
• पिंपळे-सौदागरचे सादबा काटे
• पिंपळे-निलखचे प्रभाकर साठे
• चिंचवडचे आझम पानसरे
• भोसरीतील विलास लांडे
• फुगेवाडीचे रंगनाथ फुगे
• पिंपरीगावातील संजोग वाघेरे
• प्राधिकरणातील आर.एस. कुमार
• चिंचवडच्या अनिता फरांदे
• नेहरूनगरचे हनुमंत भोसले
• निगडीचे मधुकर पवळे
• पिंपळे गुरवचे लक्ष्मण जगताप
• खराळवाडीचे प्रकाश रेवाळे
• शाहूनगरच्या मंगला कदम
• नेहरूनगरच्या डॉ. वैशाली घोडेकर
• चिंचवडच्या अपर्णा डोके
• संत तुकारामनगरचे योगेश बहल
• भोसरीतील मोहिनी लांडे
• शकुंतला धराडे
• चऱ्होलीतील नितीन काळजे

आयुक्त राजीव राधव यांनी सादर केलेल्या महापालिकेच्या २०१६-१७च्या अंदाजपत्रकातील लक्षणीय (अनाठायी) खर्च

• चिखलीत संतपीठ (खर्च सव्वा कोटी रुपये)
• पिंपरीत भीमसृष्टी (पावणेदोन कोटी)
• यशवंतराव चव्हाण रुग्णालयात बहुमजली वाहनतळ (पावणेतीन कोटी)
• बर्ड व्हॅलीमध्ये लेखर शो (साडेतीन कोटी)
• बीआरटीमार्गासाठी वातानुकूलित बस खरेदी (दहा कोटी रुपये)
• ट्राम सेवा (एक कोटी)
• २४ तास पाणी पुरवठा (चाळीस कोटी)
• भोसरीत कुस्ती प्रशिक्षण केंद्र (चार कोटी रुपये)

निवडणुका

पिंपरी चिंचवड महापालिकेच्या निवडणुका फेब्रुवारी २०१७मध्ये होणार होत्या. त्यासाठी इच्छुक उमेदवारांनी जनतेला देऊ केलेल्या पार्ट्या, सहली, भेटवस्तू :-

• लाखो रुपयांच्या बिर्याणी पार्ट्या
• मोफत दारू
• स्टेनलेस स्टीलची भांडी
• भजनी मंडळांतील स्त्रियांना साड्या
• काशीविश्वेश्वर, तिरुपती बालाजीपासून शिर्डीचे साईबाबा, तुळजापूर-कोल्हापूर देवी दर्शन (सुमारे सव्वाशे बसेस पाच हजार मतदारांना घेऊन तुळजापूरला गेल्या.)
• संक्रांतीला एक हजार रुपयाचा एक असे जलकुंभ संक्रांतीचे वाण म्हणून वाटले. चिंचवडगावातील ९० टक्के सुशिक्षित मतदारांनी त्यांसाठी एक किलोमीटर लांबीची रांग लावली होती.
• वहिनी-भावजींचे शेकडो कार्यक्रमांतून हजारोंवर बनावट पैठण्या वाटण्यात आल्या.
• सोसायटींचे रंगकाम, सोसायटींमधील रस्ते केले, पेव्हिंग ब्लॉक्स बसवले. वाकड, पिंपळे गुरव, पिंपळे सौदागर, रहाटणी, रावेत, पुनावळे, मोशी, चिखली आदी भागांतील अनेक सोसायट्यांनी या वाहत्या गंगेत हात धुऊन घेतले.
• सोसायटील देवाची मंदिरे बांधून देण्याचे आश्वासन दिले.
• सोसायटींनीही थकलेली विजेची, पाण्याची बिले भरण्याची अट घातली.
• एका सोसायटीन बंद पडलेली लिफ्ट दुरुस्त करून घेतली.
• दुसऱ्या एका सोसायटीने सीमा भिंत बांधवून घेतली.
• उमेदवार आणि मतदार यांच्यामधील दलालांना ओल्या पार्ट्यांचा रतीब लावला, वगैरे वगैरे..