रेखा ढोले

रेखा ढोले (निधन : २१ एप्रिल, २०१४) या राजहंस प्रकाशनच्या सुहृद आणि जाणकार साहित्यप्रेमी होत्या. राजहंस प्रकाशनच्या विविध पुस्तकांच्या दर्जेदार निर्मितीमध्ये त्यांचा मौलिक सहभाग असे. त्यांना रुची असलेल्या अनुवाद आणि पुस्तकनिर्मिती या दोन क्षेत्रांसाठी त्यांच्या नावाने पुरस्कार देण्याची योजना राजहंस प्रकाशन आणि ढोले कुटुंबीयांनी आखली. इ.स. २०१५ सालापासून तीन ‘रेखा ढोले’ पुरस्कार देण्यात येऊ लागले.

अन्य भाषांतून मराठी भाषेत साहित्यानुवाद करणार्‍या अनुवादकास २५ हजार रुपये आणि स्मृतिचिन्ह, असे एका पुरस्काराचे, ग्रंथनिर्मितीसाठी मुखपृष्ठकारास आणि अंतर्गत रचनाकारास १५ हजार रुपये आणि स्मृतिचिन्ह, असे दुसर्‍या पुरस्काराचे, तर प्रकाशन संस्थेस दहा हजार रुपये आणि स्मृतिचिन्ह असे तिसर्‍या पुरस्काराचे स्वरूप असते. महाराष्ट्र साहित्य परिषदेच्या सभागृहामध्ये २७मे या वर्धापन दिनाच्या सुमारास हे पुरस्कार दिले जातात.

२०१५ सालचे रेखा ढोले पुरस्कारार्थी (क्रमशः)

• मराठी अनुवाद क्षेत्रातील योगदानाबद्दल डॉ. उमा कुलकर्णी यांना
• ?
• ?

२०१६ सालचे रेखा ढोले पुरस्कारार्थी (क्रमशः)

• मराठी अनुवाद क्षेत्रातील योगदानाबद्दल रवींद्र गुर्जर यांना
• मुखपृष्ठकार पुंडलिक वझे यांना
• ‘बोस्कीच्या गोष्टी’ या पुस्तकाच्या निर्मितीसाठी ग्रंथाली प्रकाशन संस्थेला.

२०१७ सालचे रेखा ढोले पुरस्कारार्थी (क्रमशः)

• मराठी अनुवाद क्षेत्रातील योगदानाबद्दल कलासक्त संस्थेच्या ‘केल्याने भाषांतर’ या त्रैमासिकाला
• ‘रस्किन बँड’ या पुस्तकाच्या मुखपृष्ठ आणि अंतर्गत सजावटीसाठी चंद्रमोहन कुलकर्णी यांना
• याच पुस्तकाच्या निर्मितीसाठी रोहन प्रकाशनला.