माधुरी शानभाग

डॉ. माधुरी मोहन शानभाग (माहेरच्या गीता प्रभू आजगावकर) या एक मराठी लेखिका आहेत. त्या स्वतः फिजिक्सच्या प्राध्यापक असून एक कॉलेजच्या प्राचार्या आहेत. मूळच्या बेळगावच्या असून बेळगावातच वाढलेल्या माधुरी शानभाग यांनी २५ हून अधिक मराठी पुस्तके लिहिली आहेत. त्या पुस्तकांत चरित्रे, विज्ञानकथा, कादंबर्‍या आणि लघुकथासंग्रहही आहेत. त्यांनी अनेक इंग्रजी पुस्तकांचे मराठी अनुवाद केले आहेत.

माधुरी शानभाग यांची पुस्तके

• अग्निपंख (अनुवादित, मूळ इंग्रजी, विंग्ज ऑफ फायर, लेखक - ए.पी.जे. अब्दुल कलाम)
• काचकमळ (कथासंग्रह)
• चकवा
• चेहरे (कथासंग्रह)
• जेआरडी- एक चतुरस्र माणूस
• डॉक्टर्स फ्रॉम हेल (अनुवादित, मूळ इंग्रजी लेखक - व्हिवियन स्पिझ)
• तमाच्या तळाशी (मनोवैज्ञानिक कादंबरी). नवचैतन्य प्रकाशन
• तिची गोष्ट
• नीरसी मोहमाया : नवचैतन्य प्रकाशन
• नोबेल पारितोषक विजेते चंद्रशेखर (चरित्र)
• पळसाची पाने
• पुनर्जन्म (विज्ञानकथा)
• ब्रेनवेव्ह्‌ज (कादंबरी)
• मुंगी उडाली आकाशी
• रिचर्ड फेनमन : एक अवलिया संशोधक (चरित्र)
• लेटर्स टु अ यंग सायंटिस्‍ट (अनुवादित, मूळ इंग्रजी, लेखक - डॉ. एडवर्ड ओ. विल्सन), राजहंस प्रकाशन
• समुद्र (कथासंग्रह). नवचैतन्य प्रकाशन
• सावरीची पिसे (ललित लेखसंग्रह)
• सी.एन.आर. राव : अनोख्या रसायनाने बनलेला माणूस (चरित्र)
• स्वप्‍नाकडून सत्याकडे (कल्पना चावलाची कहाणी) - मेहता प्रकाशन