प्रभाकर जोग

प्रभाकर जोग हे महाराष्ट्रातले एक व्हायोलिनवादक आहेत. त्यांनी कारकिर्दीच्या सुरुवातीच्या काळात पुण्यातील वाड्यांमधून सव्वा रुपया आणि नारळ या बिदागीवर व्हायोलिन वादनाचे कार्यक्रम केले. पुढे ते संगीत दिग्दर्शक सुधीर फडके यांचे साहाय्यक झाले. गीतरामायणांमधील गाण्यांमध्ये प्रभाकर जोग यांचे व्हायोलिनचे सूर असत. ’लपविलास तू हिरवा चाफा’ या गीतापासून प्रभाकर जोग हे स्वतंत्र संगीतकार म्हणून महाराष्ट्राला माहीत झाले.

प्रभाकर जोग यांची नातवंडे अमेय जोग आणि दीपिका जोग हेही रंगमंचावरून गीते सादर करतात.

प्रभाकर जोग यांची गाजलेली गीते

• आज प्रीतीला पंख हे लाभले रे
• आम्ही चालवू हा पुढे वारसा
• कोटी कोटी रूपे तूझी कोटी सूर्य चंद्र तारे
• चंद्र आहे धूसर धूसर
• प्रिया आज माझी नसे साथ द्याया
• मेघा रे मेघा रे मत परदेस जा रे
• शुभं करोतीम्हणा
• हिल हिल हिल पोरी हिला
• हे चांदणे फुलांनी शिंपीत रात्र आली,
• वगैरे.

पुरस्कार

• प्रभाकर जोग यांना पुण्याच्या भारत गायन समाजातर्फे २०१३सालचा ’वसुंधरा पंडित पुरस्कार’ प्रदान झाला आहे.

बाह्य दुवे

• 'आठवणीतली-गाणी.कॉम' या संकेतस्थळावर प्रभाकर जोग यांनी संगीत दिलेली गाणी