सुरेश विनायक खरे

सुरेश विनायक खरे (जन्म : २५ जानेवारी १९३८) हे एक मराठी नट, लेखक, दिग्दर्शक, जाहिरातपटकार, चित्रपट पटकथालेखक, नाट्यावलोकनकार, प्रशिक्षक, संवादक, मुलाखतकार, संस्थाचालक आणि मराठी नाटककार आहेत. खरे यांनी लिहिलेले पहिले नाटक म्हणजे ’सागर माझा प्राण’ हे होय.

सुरेश खरे हे मुंबईच्या सिद्धार्थ लॉ कॉलेजचे विद्यार्थी आहेत. कॉलेजमध्ये असतानाच त्यांनी एकांकिकांमध्ये अभिनय करायला सुरुवात केली.

२५ जानेवारी २०१३ या दिवशी सुरेश खरे ७५ वर्षांचे झाले. त्यानंतर त्यांचा अमृत महोत्सव माटुंगा कल्चरल सेंटरतर्फे झाला.

सुरेश खरे यांनी लिहिलेली नाटके

• अखेर तू येशीलच
• असून नाथ मी अनाथ
• आरोप
• एका घरात होती
• काचेचा चंद्र
• कुणी तरी आहे तिथे
• तिची कथाच वेगळी
• ती वेळच तशी होती
• तुला हवंय तरी काय
• तूच माझी राणी
• पपा सांगा कुणाचे
• मंतरलेली चैत्रवेल
• मला उत्तर हवंय
• मालती माधव आणि मंडळी
• मी एक विदूषक
• याला म्हणायचं तरी काय
• रक्त नको मज प्रेम हवे
• रामनगरी
• वहिनींच्या बांगड्या
• शततारका
• संकेत मीलनाचा
• सखी शेजारिणी
• संगम
• सरगम
• सागर माझा प्राण (१९६६)-राज्य नाट्यस्पर्धेत सादर झालेले नाटक
• स्वर जुळता गीत तुटे

संस्था स्थापना

१९६० साली सुरेश खरे यानी मित्रांच्या साहाय्याने ’ललित कला साधना’नावाची संस्था स्थापन केली.

नाट्यावलोकन

दूरदर्शनवर गाजलेला ’नाट्यावलोकन’ नावाचा नाट्यास्वादाचा कार्यक्रम सुरेश खरे यांनी घेतलेल्या मुलाखतींमुळे वैशिष्ट्यपूर्ण ठरला.

दूरदर्शनवरच ’गजरा’” नावाच्या कार्यक्रमात सुरेश खरे यांनी लिहिलेल्या नाटुकल्या सादर होत असत.

मानसन्मान

सुरेश खरे हे ८५व्या अखिल भारतीय मराठी नाट्यसंमेलनाचे अध्यक्ष होते.