मोगरा

विकिपीडिया, मुक्‍त ज्ञानकोशातून
मोगर्‍याचे फूल

एक प्रकारचे सुवासिक फूल आहे. याच्या वेलीचा झुडपासारखा विस्तार होतो. मोगरा फुलापासून अत्तरही तयार केले जाते.

मोगर्‍याचे झाड चांगले वाढवण्यासाठी त्याला वसंत ऋतूच्या सुरुवातीला शेणखत घालतात.. त्यानंतर मोगऱ्याची पाने वाढतात आणि पुढे कळ्यांचा बहर येतो. (संदर्भ - http://www.aisiakshare.com/node/4867#comment-121559) मोठ्या मोगर्‍याला आधार लावल्यास वाढीस मदत होते. फुलं येऊन गेल्यावर त्या भागाची छाटणी करतात.

पुनरुत्पादन -

१. मोगर्‍याला बिया धरत नाही. मोगर्‍याची रोपे तयार करावी लागतात. लांब वाढणारी मोगर्‍याची फांदी वाकवून नवीन ठिकाणी किंवा कुंडीत खुपसतात. किमान एक नोड - जिथून पाने फुटतात तो भाग - मातीखाली राहील अशी व्यवस्था केली की नोडपासून खाली मुळे फुटतात. तिथे नवीन वाढ होताना दिसली की आधीच्या फांदीचा भाग कापून नवीन रोप तयार करतात. २. किमान तीन पानांच्या जोड्या असतील अशा रीतीने फांदीचा तुकडा कात्रीने कापतात. खालची पाने कात्रीनेच कापून तो भाग कुंडीत अथवा मातीत खुपसून ठेवतात. ही माती कोरडी पडू देत नाहीत. साधारण दीड ते दोन महिन्यांनी वरच्या पानांच्या बेचक्यात नवीन फुटवा दिसला की खाली मुळे तयार झाली आहेत आणि नवीन रोप तयार झाले असे समजते.

या फुलाला आणि त्याच्या रोपाला इतर भाषांत अशी नावे आहेत. :

  • इंग्रजी : अरेबियन लिली, अरेबियन जास्मिन, संबॅक, तुस्कन-जस्मिन
  • कानडी : मल्लिगे, इरावंतिगे
  • गुजराती : मोगरो
  • संस्कृत : अनंतमल्लिका, नवमल्लिका, प्रमोदिनी, वनचंद्रिका
  • हिंदी : चांबा, बनमल्लिका, मोगरा, मोतीया



Wiki letter w.svg
कृपया स्वत:च्या शब्दात परिच्छेद लेखन करून या लेखाचा / विभागाचा विस्तार करण्यास मदत करा.
अधिक माहितीसाठी या लेखाचे चर्चा पान, विस्तार कसा करावा? किंवा इतर विस्तार विनंत्या पाहा.