भादवे

{{माहितीचौकट भारतीय न्यायक्षेत्र |प्रकार= |इतर_नाव= | स्थानिक_नाव =भादवे Bhadave | आकाशदेखावा = | आकाशदेखावा_शीर्षक = | शोधक_स्थान= right | अक्षांश = 19.5630 | रेखांश = 72.7363 | उंची = | राज्य_नाव = महाराष्ट्र | पोस्ट = एडवण |जवळचे_शहर=सफाळे | जिल्हा आणि तालुका = पालघर जिल्हा |अधिकृत_भाषा=मराठी| |[[नेता_पद =सरपंच | नेता_नाव = सौ. निशिता नितेश राऊत |लोकसंख्या_एकूण_संदर्भ= |लोकसंख्या_क्रमांक= | लोकसंख्या_वर्ष =२०११ | लोकसंख्या_एकूण =६३४ | लोकसंख्या_घनता = |लिंग_गुणोत्तर=|लोकसंख्या_मेट्रो= |लोकसंख्या_शहरी= | क्षेत्रफळ_आकारमान = | क्षेत्रफळ_एकूण = |पिन_कोड=४०११०२ | एसटीडी_कोड = ०२५२५ | पिन कोड = | आरटीओ_कोड = एमएच४८ | शाळा = आमची शाळा जिल्हा परिषद शाळा भादवे |संकेतस्थळ= | तळटिपा = }} http://chetan2thakur.wixsite.com/bhadave}}

भादवे Bhadave हे भारतातल्या महाराष्ट्र राज्याच्या उत्तर कोकणातल्या पालघर जिल्ह्यात, पालघर तालुक्यातल्या सफाळे शहराच्या जवळ असणारे एक गाव आहे. या गावामध्ये पूर्वी भात म्हणजे तांदूळ याचे उत्पादन खूप जास्त असल्याकारणाने गावाचे नाव भादवे असल्याचे म्हंटले जाते.

भौगोलिक स्थान

भादवे हे सफाळे रेल्वे स्थानकाच्या पश्चिमेला महाराष्ट्र राज्य महामार्ग क्रमांक ४० मार्गाने १२ किमी अंतरावर चटाळे व त्यानंतर उसरणी गावानंतर वसलेले आहे. गावाला लागून खाडीचा समतल खाजण असून ४ किमी अंतरावर अरबी समुद्र आहे.

हवामान

येथील हवामान उन्हाळ्यात फारच उष्ण व दमट असते. हिवाळ्यात शीतल व कोरडे असते. पावसाळ्यात भरपूर प्रमाणात पाऊस पडतो व हवामान समशीतोष्ण व दमट असते.पावसाळ्यात भरपूर पाऊस पडत असल्याने मुख्य खरीप पीक म्हणून भाताची लागवड केली जाते.श्रावण महिन्यात गणपती उत्सवाच्या अगोदरपासून जेव्हा ढग गडगडाट करतात आणि विजा चमकत असतात तेव्हा पावसाच्या सरी कोसळत असलेल्या एका वेगळ्याच नैसर्गिक वातावरणात एक नैसर्गिक भाजी रानात उगवत असते तिलाच अळंबी संबोधले जाते. ही भाजी अत्यंत चवदार असते. ही भाजी आरोग्यासाठी चांगली असते.ही भाजी जेव्हा उगवते तेव्हाच लगेच काढावी लागते अन्यथा ती लगेच फुलून खाण्यासाठी अयोग्य होते. पहाटे लवकर उठून ही भाजी शोधून फुलण्याअगोदर खुडून काढून साफ करून ती लगेचच बाजारात विक्रीसाठी न्यावी लागते. आदिवासी बांधवाना पावसाळ्यात हा अल्पकालीन रोजगार उपलब्ध होतो.पालघर जिल्ह्यातील ग्रामीण भागातील अंतर्गत रस्त्यावर ह्या भाजीची विक्री आदिवासी समाजातील पुरुष, स्त्रिया आणि मुलेमुली करीत असतात. पालघर, बोईसर, मनोर, सफाळे, केळवे रोड, वाणगाव, डहाणू, वाडा, कुडूस, विक्रमगड, जव्हार, मोखाडा, खोडाळा, तलासरी येथील बाजारपेठांमध्ये सुद्धा ही भाजी विक्रीसाठी उपलब्ध असते.

इतर ठळक माहिती

हवामानाचा विचार करता या गावामध्ये राजने, जांभळे, ताडगोळे, करवंद असा रानमेवा मुबलक प्रमाणात उपलब्ध होतो. गावामधील प्राथमिक जिल्हा परिषद शाळा भादवे स्थापना १७ एप्रिल १९१८ या शाळेने १०० वर्षाचा कार्यकाळ पूर्ण केला आहे. गावामधील विविध व्यक्ती हे सामाजिक, शैक्षणिक, व्यावसायिक, साहित्यिक, क्रीडा अशा विविध क्षेत्रात ठसा उमटविलेले आहेत. या गावाला मोठा इतिहास लाभलेला आहे याचे संदर्भ गावातील काही व्यक्तींनी नमूद केलेल्या लिखाणात तसेच गावातील शाहीर श्री. गजानन वैद्य यांच्या काव्य रचनेतून शाहिरीबाण्याद्वारे उमटते.

लोकजीवन

येथे मुख्यतः कुणबी समाजातील लोकांची शतकानुशतके वस्ती आहे. कुणबी समाजातील लोकांबरोबर काही प्रमाणात आदिवासी लोकांची वस्तीसुद्धा फार पूर्वीपासून आहे. येथील साक्षरता ९१ टक्के आहे. पुरुष साक्षरता ९६ टक्के तर महिला साक्षरता ८७ टक्के आहे. गावामधील अनेक लोक उपजीविकेसाठी मुंबई आणि मुबई उपनगरांमध्ये नोकरीसाठी दररोज प्रवास करतात. गावामध्ये भवानी देवीचे मंदिर, शंकराचे मंदिर, हनुमंताचे मंदिर असून गावाच्या वेशीला मड्डोबा, वाकडा आंबा, शेडया ही श्रद्धेची ग्रामदेवतांची मंदिरे आहेत. गावामधील ४०% लोकसंख्या शहरांमध्ये स्थायिक झाली आहे.

नागरी सुविधा

गावात प्राथमिक शिक्षणाची सोय आहे. सार्वजनिक रस्तेवीज,स्वच्छता, आरोग्य, पाणीपुरवठा ह्या सोयी ग्रामपंचायत पुरविते. गावामध्ये भादवे गाव - वाचनालय आणि अभ्यासिका नावाचे मोफत वाचनालय उपलब्ध आहे त्याद्वारे तरुणपिढी एकत्र येऊन विविध उपक्रम आयोजित करीत असते. गावामध्ये साजरे होणारे सण पारंपरिक पद्धतीने एकत्रितरीत्या साजरे केले जातात. भातशेती सोबत काहीप्रमाणात भाजीपाला व्यवसाय तसेच जोडधंदा म्हणून मत्स्य व्यवसाय, पशू पालन आणि दुग्ध व्यवसाय गावामध्ये केले जातात. सफाळे रेल्वे स्थानकावरून भादवे गावासाठी महाराष्ट्र राज्य परिवहन सेवेच्या नियमित बससेवा आहेत. भादवे गावात जाण्यासाठी ऑटोरिक्षा (डमडम) दिवसभर उपलब्ध असतात.

संदर्भ

१.

https://www.census2011.co.in/data/subdistrict/4163-palghar-thane-maharashtra.html

२. http://tourism.gov.in/india-tourism-development-corporation-itdc