गोवारी स्मारक (नागपूर)

२३ नोव्हेंबर इ.स. १९९४ रोजी नागपूर येथे महाराष्ट्र राज्य विधानमंडळाचे हिवाळी अधिवेशन चालू असतांना, गोवारी समाजातील लोकांचा शिक्षण आणि सरकारी नोकऱ्यांमध्ये आरक्षणाची मागणी करण्यासाठी मोर्चा निघाला. त्यात चेंगराचेंगरी होऊन १२३ लोक मृत्यूमुखी पडले. त्यांच्या शिष्टमंडळाची आदिवासी कल्याण मंत्री श्री. मधुकर पिचड यांनी वेळेत भेट न घेतल्यामुळे चेंगराचेंगरीची दुर्दैवी घटना घडली असाही आरोप झाला. तद्नंतर राज्य विधानसभेसाठी फेब्रुवारी-मार्च १९९५ दरम्यान निवडणूका झाल्यात. त्यावेळी शिवसेना-भाजप युतीचे सरकार राज्यात आले.

या घटनेबद्दल सहानुभूती म्हणून नागपूर येथे (0 Mile) शून्य मैलाचे दगडाशेजारी युती सरकारद्वारा गोवारी स्मारक बांधण्यात आले.

मखराम पवार यांनी आमदार पदाचा राजीनामा दिला.