उषा जाधव

उषा जाधव

मानव

लिंग	महिला
नागरिकत्व	भारत
जन्म तारीख	३ नोव्हेंबर 1987
जन्मस्थान	कोल्हापूर
बोलण्याची वा लेखनाची भाषा	हिंदी
व्यवसाय	अभिनेता, दूरदर्शन अभिनेता
निवासस्थान	मुंबई
कार्य कालावधी (प्रारंभ)	2007
उल्लेखनीय कार्य	Salt Bridge, Firebrand
पुरस्कार	राष्ट्रीय चित्रपट पुरस्कार, सर्वोत्कृष्ट अभिनेत्री

 

 From Wikidata

उषा जाधव ही एक भारतीय चित्रपट अभिनेत्री आहे. ती प्रामुख्याने मराठी आणि हिंदी भाषेच्या चित्रपटांमध्ये काम करते. २०१२ च्या मराठी चित्रपट धग मधील भूमिकेसाठी ती परिचित आहे. तिच्यात तिला २०१२ च्या राष्ट्रीय चित्रपट पुरस्कारांमध्ये सर्वोत्कृष्ट अभिनेत्रीचा राष्ट्रीय चित्रपट पुरस्कार मिळाला होता.

उषा जाधव ह्या डॉ. बाबासाहेब आंबेडकरांना प्रेरणास्थान मानतात. त्या म्हणाल्या की, "आपल्या सर्वांना माहिती आहे की बाबासाहेबांनी आपल्या देशाची राज्यघटना लिहिली आहे. पण त्या काळात स्त्रियांना दुय्यम समजले जात असताना बाबासाहेबांनी स्त्रियांसाठी केलेले कार्य खूप महत्त्वाचे आहे आणि माझ्यासाठी ते खूप प्रेरणादायी आहे. डॉक्टर बाबासाहेब आंबेडकरांनी स्त्रियांना विविध कायदेशीर अधिकार प्राप्त करून दिले आहेत तसेच त्यांना पुरुषांच्या बरोबरीचे अधिकार घटनेद्वारे त्यांनी मिळवून दिला. त्यांनी स्त्रियांच्या विरोधात होणाऱ्या विविध अत्याचारांविरोधात देखील आवाज उठवला होता. त्यांनी जो समानतेचा संदेश जगाला दिला आहे, मीही त्याचे पालन करते आणि आपण सर्वांनी सुद्धा त्याचे पालन केले पाहिजे. यामुळे बाबासाहेब हे माझे आदर्श आहेत".