रामदास फुटाणे

रामदास फुटाणे ( जामखेड-जिल्हा अहमदनगर, १४ एप्रिल १९४३; हयात) हे महाराष्ट्रातले एक व्यंग्यकवी आणि पटकथा लेखक, चित्रपट निर्माते व दिग्दर्शक आहेत. रामदास फुटाण्यांच्या कोपरखळ्या मारणाऱ्या छोट्याछोट्या कवितांनी महाराष्ट्रीय वाचकांचे अनेक वर्षे मनोरंजन केले आहे.

रामदास फुटाणे १९६१ ते १९७३ या काळात कला विद्यालयात शिक्षक होते.

ग्रंथसाहित्य

कटपीस : हिंदी कवितासंग्रह (१९६९)
सफेद टोपी लाल बत्ती : मराठी कवितासंग्रह (१९८६)
चांगभलं : मराठी कवितासंग्रह (१९९०)
भारत कधी कधी माझा देश आहे : मराठी कवितासंग्रह(१९९७)
फोडणी : मराठी कवितासंग्रह (२००१)
कॉकटेल : मराठी कवितासंग्रह (२००२)

चित्रपट निर्मिती, लेखन, दिग्दर्शन

सामना (चित्रपट) -१९७५ निर्मिती
सर्वसाक्षी (चित्रपट) -१९७९ पटकथा, निर्मिती, दिग्दर्शन
सुर्वंता (चित्रपट) -१९९४ दिग्दर्शन
झुंड (हिंदी चित्रपट) - २०२२ कलाकार (भूमिका: कॉलेज प्रिन्सिपल)

पुरस्कार

सामना (चित्रपट) : ३ राष्ट्रीय पुरस्कार, फिल्म फेअर अवॉर्ड्‌स आणि राज्य पुरस्कार. १९७५ च्या बर्लिन येथील आंतरराष्ट्रीय चित्रपट महोत्सवासाठी निवड, आणि महोत्सवात सहभाग.
सर्वसाक्षी (चित्रपट) : बेंगलोरच्या इंडियन पॅनोरमासाठी आणि हॉंगकॉंग येथे झालेल्या ५व्या आंतरराष्ट्रीय चित्रपट महोत्सवासाठी निवड.
सुर्वंता (चित्रपट) : उत्कृष्ट ग्रामीण चित्रपटाचा १९९५चा राज्य पुरस्कार; १९९५चा उत्कृष्ट चित्रपटासाठीचा कालनिर्णय पुरस्कार; उत्कृष्ट दिग्दर्शनाचा १९९५चा वसंत जोगळेकर पुरस्कार.
’भारत कधी कधी माझा देश आहे’ या काव्यसंग्रहाचा शिवाजी विद्यापीठाच्या अभ्यासक्रमात समावेश (१९९८).
’फोडणी’ला महाराष्ट्र सरकारचा बालकवी पुरस्कार (२००१)
गोवा कला अकादमीचा काव्यहोत्र पुरस्कार (२४-७-२०१६) : दोन लाख रुपये रोख, शाल, श्रीफळ, स्मृतिचिन्ह आणि मानपत्रक

(अपूर्ण)