काश्मीर रेल्वे

श्रीनगर रेल्वे स्थानक

काश्मीर रेल्वेचा नकाशा. यातील उधमपूर-काझीगुंड हा भाग अजून बांधला जात आहे.

काश्मीर रेल्वे (उर्दू:کشمیر ریلوے) हा भारताच्या जम्मू आणि काश्मीर राज्यात बांधला जाणारा लोहमार्ग आहे. याचे अधिकृत नाव जम्मू उधमपूर श्रीनगर बारामुल्ला लोहमार्ग असून याद्वारे जम्मू आणि बारामुल्ला ही शहरे ३४५ किमी लांबीच्या लोहमार्गाने एकमेकांशी व पर्यायाने भारताच्या इतर भागांशी लोहमार्गाने जोडली जातील. हा लोहमार्ग भूकंपग्रस्त आणि अतिथंड व अतिउष्ण प्रदेशातून जातो आणि त्यामुळे हा प्रकल्प अतिअवघड प्रकल्पांमध्ये एक गणला जातो.