मसिह अलीनेजाद

मसीह अलीनेजाद ( पर्शियन : مسیح علی‌نژاد , जन्म मसूमेह अलीनेजाद-घोमी ( पर्शियन : معصومه علی‌نژاد قمی ), सप्टेंबर ११, १९७६) एक इराणी-अमेरिकन  पत्रकार , लेखक, राजकीय कार्यकर्त्या आणि महिला हक्क कार्यकर्त्या आहेत. अलिनजाद सध्या VOA पर्शियन सर्व्हिसमध्ये प्रस्तुतकर्ता/निर्माता, रेडिओ फर्दाचा वार्ताहर, मानोटो टेलिव्हिजनचे आणि इराणवायरच्या संपादक म्हणून काम करतात .

कारकीर्द

मसीह ने २००१ मध्ये हम्बस्तेगी दैनिकातून पत्रकारितेतील आपल्या कारकिर्दीला सुरुवात केली आणि नंतर इराणी लेबर्न्यूज एजन्सी (ILNA) साठी काम केले. २००९ च्या उन्हाळ्यात, युनायटेड स्टेट्समधील तिच्या वास्तव्यादरम्यान, अलिनजादने बराक ओबामा यांची मुलाखत घेण्याचा खूप प्रयत्न केला. तथापि, तिला मुलाखत नाकारण्यात आली, जरी तिला या मुलाखतीच्या आधारे व्हिसा देण्यात आला होता. तिच्या व्हिसाची मुदत संपली आणि तिला इंग्लंडला परतावे लागले. युनायटेड स्टेट्समध्ये असताना, तिने काही इराणी निषेधांमध्ये भाग घेतला आणि सॅन फ्रान्सिस्कोमध्ये भाषण केले.

इस्लामिक एकाधिकारशाहीला विरोध

अलिनजादने म्हणले आहे की तिचा हिजाबला विरोध नाही, परंतु ती वैयक्तिक निवडीची बाब असावी असे तिचे मत आहे. इराणमध्ये हिजाबशिवाय सार्वजनिक ठिकाणी दिसणाऱ्या महिलांना अटक होण्याचा धोका असतो. याला विरोध म्हणून मसीह अलिनजादने माय स्टेल्थी फ्रीडम (ज्याला स्टेल्थी फ्रीडम्स ऑफ इराणी महिला म्हणूनही ओळखले जाते) लाँच केले, एक फेसबुक पेज जे इराणी महिलांना हिजाबशिवाय स्वतःचे फोटो पोस्ट करण्यासाठी आमंत्रित करते. या पृष्ठाने त्वरीत आंतरराष्ट्रीय लक्ष वेधून घेतले आणि शेकडो हजारो लाईक्स मिळवले.

परिणाम

इस्लामिक रिपब्लिक सुरक्षा दलांनी अलिनजादच्या कुटुंबातील तीन सदस्यांना तिच्या महिला हक्कांच्या सक्रियतेचा बदला म्हणून अटक केली. अलीनेजादचा भाऊ, अलिरेझा अलिनजाद, याला तेहरानमध्ये अटक करण्यात आली, तर हादी आणि लीला लोत्फी, तिचा माजी पती, मॅक्स लोटफीचा भाऊ आणि बहीण, या सर्वांना गुप्तचर मंत्रालयाच्या अधिकाऱ्यांनी उत्तरेकडील बाबोल शहरात अटक केली.

लेखन

अलिनजादने, द विंड इन माय हेअर, नावाचे एक पुस्तक लिहिले आहे. यात उत्तर इराणमधील एका छोट्या गावातून पत्रकार होण्यापर्यंतचा तिचा प्रवास आणि सक्तीच्या हिजाबच्या विरोधात देशव्यापी निदर्शने करणाऱ्या ऑनलाइन चळवळीची निर्मिती यावर लेखन केले आहे. लिटल ब्राउनने २०१८ मध्ये हे प्रकाशित केले. न्यू यॉर्क टाइम्सने लिहिले की पुस्तक आधुनिक इराणचे एक चित्र रेखाटते.