गंगाराम तांबट
 | ह्या लेखाला एकही संदर्भ दिला गेलेला नाही. विश्वसनीय स्रोत जोडून या लेखातील माहितीची पडताळणी करण्यात मदत करा. संदर्भ नसल्याने प्रस्तुत लेखाची उल्लेखनीयता ही सिद्ध होत नाही. संदर्भहीन मजकूराची पडताळणी करता येत नसल्याने व उल्लेखनीयता सिद्ध होत नसल्याने हा लेख काढून टाकला जाऊ शकतो याची नोंद घ्यावी. |
सवाई माधवराव पेशव्यांच्या काळात पुण्यातील शनिवारवाड्यात जेम्स वेल्स या स्कॉटिश चित्रकाराच्या नेतृत्वाखाली एक कलाशाळा स्थापन करण्यात आली होती. जेम्स वेल्सने सवाई माधवराव आणि नाना फडणवीस यांची चित्रे काढली होती. गंगाराम तांबट नावाचे एक मराठी मुघल शैली चित्रकार वेल्सच्या सोबत काम करत. गंगाराम चिंतामण तांबट यांनी वेरूळ, कार्ले येथील लेण्यांची चित्रे काढली होती. त्यांची काही चित्रे अमेरिकेतील येल विद्यापीठात असलेल्या ‘येल सेंटर ऑफ ब्रिटिश आर्ट’ येथे जतन केली आहेत.
येल विद्यापीठातील ब्रिटिश चित्रांच्या संग्रहात गंगाराम तांबट यांची अनेक चित्रे आहेत. त्यातील काही चित्रांखाली ‘गंगाराम चिंतामण तांबट’ यांच्या नावाबरोबर अहमदनगरचा उल्लेख आहे. काही चित्रांत ‘तांबट-नवगिरे’ असाही उल्लेख आहे. अमेरिकन संशोधक होली शेफर ह्या ‘गंगाराम चिंतामण तांबट - द हिडन इंडियन आर्टिस्ट' या विषयावर आणि एकूणच 'सतराव्या-अठराव्या शतकातल्या मराठेशाहीतील चित्रे' या विषयावर संशोधन करीत आहेत.