हॉट चॉकलेट

विकिपीडिया, मुक्‍त ज्ञानकोशातून
हॉट चॉकलेट
व्हीप्ड क्रीम आणि कोको पावडरसह गरम चॉकलेटचा एक कप
प्रकार हॉट कोको
मूळ देश मेसोआमेरिका
रंग तपकिरी किंवा चेस्टनट
चव चॉकलेट

हॉट चॉकलेट, याला पिण्याचे चॉकलेट, पिण्याचे कोको आणि नायजेरियात चॉकलेट चहा म्हणूनही ओळखले जाते. यात शेव्ड चॉकलेट, वितळलेले चॉकलेट किंवा कोको पावडर, गरम दूध किंवा पाणी आणि गोड पदार्थ (साखर) असते. हॉट चॉकलेट मध्ये वरून व्हीप्ड क्रीम किंवा मार्शमॅलो टाकतात. वितळलेल्या चॉकलेटसह बनविलेले हॉट चॉकलेटला कधीकधी ड्रिंकिंग चॉकलेट असेही म्हणतात, यात कमी गोडपणा आणि अधिक घट्टपणा असतो. [१]

असा विश्वास आहे की चॉकलेट पेय माया कालावधीत म्हणजे सुमारे २५०० - ३००० वर्षांपूर्वी तयार केले असावे. आणि कोको पेय १४०० एडी पर्यंत ॲझटेक संस्कृतीचा एक अनिवार्य भाग होता, ते एक्सोसेल्टल या नावाने ओळखले जात होते. [२] [३] नवीन जगात मेक्सिकोमधून आणल्यानंतर हे पेय युरोपमध्ये लोकप्रिय झाले आणि तेव्हापासून आतापर्यंत यात अनेक बदल झाले आहेत. १९ व्या शतकापर्यंत यकृत आणि पोटाच्या आजारांवर उपचार करण्यासाठी हॉट चॉकलेटचा औषधी म्हणून वापर केला जात असे.

हॉट चॉकलेट संपूर्ण जगात खाल्ले जाते आणि लॅटिन अमेरिकेतील मसालेदार चॉकलेट पॅरा मेसा, इटलीमध्ये सर्व्ह केलेला अतिशय जाड सायकोकोलता कॅलडा आणि स्पेनमध्ये चॉकलेट अला तझा आणि युनायटेड स्टेट्समध्ये वापरलेला पातळ गरम कोको हे प्रमुख प्रकार आहेत. तयार हॉट चॉकलेट कॅफेटेरीया, फास्ट फूड रेस्टॉरंट्स, कॉफीहाउस आणि टीहाऊस यासह अनेक ठिकाणांहून खरेदी केले जाऊ शकते. पावडर गरम चॉकलेट मिश्रित पदार्थ, जे उकळत्या पाण्यात किंवा गरम पेयमध्ये घालून घरीच पेय तयार होईल असे, किराणा दुकानात आणि ऑनलाइन विकले जाते.

इतिहास[संपादन]

चांदीचा चॉकलेट पॉट, फ्रान्स, १७७९. [४] व्हिक्टोरिया आणि अल्बर्ट संग्रहालय, लंडन

पुरातत्त्वशास्त्रज्ञांना असे आढळले आहे की माया कालावधीत चॉकलेटचा वापर ५०० बीसी पूर्वी होत होता आणि असा अंदाज वर्तविला जात आहे की चॉकोलेट माया कालावधीच्या देखील आधी पासून असावे. [३] थंड केलेले चॉकलेट पेय तयार करण्यासाठी माया कालावधीत लोक कोको बियाणे वाटून त्यात पाणी, कॉर्नमेल, मिरची मिरची आणि इतर पदार्थ मिसळत असत. [५] नंतर ते जाड फेस तयार होईपर्यंत एका कपातून दुसऱ्या कपात ते पेय ओतत असे. चॉकलेट सर्व सामाजिक वर्गांकडे माया कालावधीत उपलब्ध होते. श्रीमंत लोक बऱ्याचदा पुरलेल्या "मोठ्या रांजणात" तयार करून चॉकलेट पित होते. [५] रियो अझुल, ग्वाटेमाला येथील माया कालावधीतील थडग्यात चॉकोलेट ड्रिंकचे अवशेष असलेली पात्रे सापडली होती. [५] [६]


संदर्भ[संपादन]

  1. ^ Grivetti, Louis E.; Shapiro, Howard-Yana (2009). Chocolate: history, culture, and heritage. John Wiley and Sons. p. 345. ISBN 978-0-470-12165-8.
  2. ^ "Chocolate invented 3,100 years ago by the Aztecs - but they were trying to make beer". Daily Mail. London. November 13, 2007.
  3. ^ a b Trivedi, Bijal (July 17, 2012). "Ancient Chocolate Found in Maya "Teapot"". National Geographic. July 15, 2017 रोजी पाहिले.
  4. ^ "Silver Chocolate Pot". Metalwork. Victoria and Albert Museum. August 18, 2007 रोजी पाहिले.
  5. ^ a b c Burleigh, Robert (2002). Chocolate: Riches from the Rainforest. Harry N. Abrams, Ins., Publishers. ISBN 0-8109-5734-5.
  6. ^ Earley, Diane (2001). The Official M&M's History of Chocolate. Charlesbridge Publishing. ISBN 1-57091-448-6.