"अजित भुरे" च्या विविध आवृत्यांमधील फरक

विकिपीडिया, मुक्‍त ज्ञानकोशातून
Content deleted Content added
(चर्चा | योगदान)
नवीन पान: '''अजित भुरे'''(जन्म : १३ जानेवारी १९६१) हे एक मराठी अभिनेते नाट्य-चित...
(काही फरक नाही)

१५:५४, १८ मार्च २०१२ ची आवृत्ती

अजित भुरे(जन्म : १३ जानेवारी १९६१) हे एक मराठी अभिनेते नाट्य-चित्रनिर्माते, दिग्दर्शक, पार्श्वभाषक, लेखक आणि नाट्यसंस्थाचालक आहेत. त्यांनी व स्मृती शिंदें यांनी मिळून ’मालामाल’ ही दूरचित्रवाणी मालिकाही बनवली होती. त्यांनी रेस्टॉरन्ट या वेगळ्या पठडीतल्या मराठी सिनेमाची निर्मिती त्यांचीच होती. त्यांनी आयआयटी इंटरकॉलेजिएट एकांकिका स्पर्धेचे अनेक वर्षे आयोजन केले आहे. याशिवाय, अनेक मराठी आणि हिंदी दूरचित्रवाणी मालिकांमध्येही त्यांनी अभिनय केला आहे.

अजित भुरे यांचे शिक्षण मुंबईत रूपारेल कॉलेजात झाले. तिथे त्यांना नाटकाची पहिली ओळख झाली. त्यांनी काम केलेली चित्रकथी ही एकांकिका आंतरमहाविद्यालयीन स्पर्धेत पहिली आली होती. त्या सुमारास इंडियन नॅशनल थिएटरतर्फे थिएटर ट्रेनिंग आणि रिसर्चचा डिप्लोमाचा अभ्यासक्रम चालवण्यात येत असे. कमलाकर सोनटक्के हे त्याचे डायरेक्टर होते. अजित भुरे त्या अभ्यासक्रमाला दाखल झाले. तिथे खऱ्या अर्थाने त्यांची नाटक या प्रकाराशी ओळख झाली. अभ्यासक्रमादरम्यान विविध मोठमोठ्या व अनुभवी लोकांनी घेतलेले पाठ ऐकून अजित भुरे यांना नाटकाविषयी खरोखरीची गोडी निर्माण झाली.

पुढे अजित भुरे आणि त्यांच्या काही मित्रमंडळींनी मिळून 'आंतरनाट्य' नावाची नाट्यसंस्था स्थापन केली. या संस्थेचे ’अनाहत’ नावाचे पहिले नाटक, राज्य नाट्य स्पर्धेच्या प्राथमिक फेरीत पहिले आले. अंतिम फेरीत अजित भुरे यांना दिग्दर्शनाचे बक्षीस मिळाले. राजीव नाईक यांनी लिहिलेल्या, ऋग्वेदातील तीन संवादांवर आधारलेल्या 'अनाहत' या नाटकात, गाण्यांचा वापर होता.

यानंतर पुढील दहा वर्षांत, अजित भुरे आणि मित्रमंडळींनी जवळजवळ पंधरा नाटके केली. त्यांमध्ये, जशी मॅक्बेथ, ऑथेल्लो, गॅलिलिओ, मातीच्या गाड्याचे प्रकरण ही अभिजात नाटके होती, तशीच सांधा, अखेरचे पर्व व मिटली पापणी ही तीन वेगळ्या प्रकारची नाटकेही होती. या प्रयोगांवरून अजित भुरे यांना नाट्यदिग्दर्शनाच्या विविध शैलींचे ज्ञान झाले.

वेगवेगळे आवाज काढण्याची हौस असल्याने अजित भुरे हे पार्श्वभाषक (डबिंग आणि व्हॉइसिंग आर्टिस्ट) म्हणूनही गाजले आहेत.दिलीप प्रभावळकरांच्या ’बो्क्या सातबंडे’ या श्रुतिकेत अजित भुरे गोट्याच्या दादांची भूमिका करत.

अजित भुरे यांनी केलेल्या नाटकांतील भूमिका आणि नाटकाचे नाव

  • इन्क्विझिटर / कार्डिनल (गॅलिलिओ)
  • जयप्रकाश (संसारगाथा)
  • प्रतिव्यास (अखेरचे पर्व)
  • मॅकबेथ (मॅकबेथ)
  • मेघनाथ (ऐन वसंतात अर्ध्या रात्री)
  • मेजर सावंत (कोळिष्टक)

यांशिवाय ढोलताशे इ.इ.


अजित भुरे यांनी निर्मित केलेली नाटके आणि त्यांचे दिग्दर्शक

  • आपलं बुवा असं आहे (प्रकाश बुद्धिसागर)
  • काटकोन त्रिकोण (गिरीश जोशी)
  • घरात घुसले तारे (विनय आपटे)
  • ढोलताशे (प्रायोगिक)
  • नको रे बाबा (बालनाट्य)
  • निघाले आज तिकडच्या घरी
  • मीटर डाऊन
  • मुंबई मुंबई (पुरुषोत्तम बेर्डे)
  • मिस्टर नामदेव म्हणे (संतोष कोचरेकर)