श्रीपाद ब्रह्मे

श्रीपाद ब्रह्मे हे एक मराठी ललित लेखक आहेत. त्यांची चित्रपट आणि चित्रपटसृष्टी या विषयावर लिहिलेली दोन पुस्तके आहेत. ते २००५ सालापासून सातत्याने सिनेपरीक्षण करणारे व सन १९९६पासून वृत्तपत्र सदरांतून दर्जेदार लेखन उत्तमरीत्या करणारे पत्रकार आहेत. त्यांच्या एकूण ३०० परीक्षणांपैकी काही निवडक ५० परीक्षणे ब्रह्मे यांच्या ‘फर्स्ट डे फर्स्ट शो’ या पुस्तकात आहेत.

श्रीपाद ब्रह्मे यांच्या आईचे बालपण मराठवाड्यातल्या छोट्या-मोठ्या गावांत गेले. तिचे वडील बार्शी किंवा सोलापुरात नेऊन सिनेमे दाखवत असत. एकदा तर तिने सलग तीन शो पाहण्याचा पराक्रम केला. सिनेमाची हीच आवड श्रीपाद ब्रह्मे यांच्यात उतरली असावी.

ब्रह्मे यांचे बालपण अहमदनगर जिल्ह्यातल्या जामखेडमध्ये गेले. वडील एसटीत कामाला होते आणि एसटी स्टँडच्या समोर दत्त नावाचे टूरिंग टॉकीज होते. तिथे ब्रम्ह्यांना खूप चित्रपट बघायला मिळाले. पण असे असले, तरी त्यांची सिनेमाची आवड इतर चारचौघांसारखीच होती. मात्र त्यांना सिनेमांविषयी वाचायला आवडत असे. पुढे पुण्याला आल्यावर ते गव्हर्न्मेंट पॉलिटेक्निकच्या होस्टेलवर राहत असत. त्या वेळी जब्बार पटेलांचा 'मुक्ता' हा सिनेमा आला होता. तो बघून होस्टेलवर आल्यानंतर त्यांनी त्या चित्रपटविषयी एक फुलस्केप पान भरून लिहून काढले, तेच श्रीपाद ब्रह्मे यांचे पहिले चित्रपट परीक्षण.

श्रीपाद ब्रह्मे यांनी लिहिलेली पुस्तके

• कॉफीशॉप (ललित लेखसंग्रह)
• फर्स्ट डे फर्स्ट शो
• यक्षनगरी

श्रीपाद ब्रह्मे यांना मिळालेले पुरस्कार

• 'विकास इंडिया फाउंडेशन'चा स्वामी विवेकानंद राज्यस्तरीय युवा पुरस्कार (२०१०)