सप्‍तरंगी

सप्तरंगी ही मुळात भारताच्या प्रामुख्याने पश्‍चिम घाटात सापडणारी व मधुमेहावर औषध म्हणून वापरली जाणारी एक वनस्पती आहे. ही वनस्पती तुलनेने कमी पाऊस पडणार्‍या भागांतही तग धरते, असे आढळले आहे.

सप्तरंगी ही महाराष्ट्राच्या काही भागांत इंगळी किंवा निसूल या नावानेही ओळखली जाते. हिचे शास्त्रीय नाव सॅलॅसिया चायनेन्सिस असे आहे.

संशोधकांना "सप्तरंगी‘च्या मुळांबरोबरच खोड आणि पाना-बियांतही औषधी गुणधर्म सापडल्याने औषध निर्मितीच्या दृष्टीने "सप्तरंगी‘चे उत्पादन महत्त्वाचे ठरले आहे. यासंबंधी पुण्यातील आबासाहेब गरवारे महाविद्यालयाच्या जैवविविधता विभागातील डॉ. अंकुर पटवर्धन, मकरंद पिंपुटकर आणि राधिका जोशी या संशोधकांचे "सप्तरंगी‘ वनस्पतीतील मधुमेहावर नियंत्रण ठेवणार्‍या गुणधर्मावरील संशोधन "बायोडायव्हर्सिटी बायोस्पेक्‍टिंग अॅन्ड डेव्हलपमेंट‘ या आंतरराष्ट्रीय नियतकालिकात प्रसिद्ध झाले आहे.