शरद क्रीडा व सांस्कृतिक प्रतिष्ठान

सुखलाल खाबिया, मोहनलाल खाबिया, जुगराज खाबिया यांच्या प्रयत्नांनी व. रत्नप्रभा खाबिया व श्रीपाल मुठा यांच्या पाठिंब्याने शरद क्रीडा व सांस्कृतिक प्रतिष्ठान ही संस्था दि. २५ डिसेंबर १९९७ रोजी शरद पवार यांचा हस्ते स्थापन झाली. सुरुवातीला केवळ नृत्य, संगीत, नाट्य, चित्रकला, इत्यादी सांस्कृतिक कार्यक्रम व क्रीडाविषयक उपक्रम करण्याचे प्रतिष्ठानाने ठरवले होते. मात्र नंतर समाजाच्या दृष्टीने गंभीर ठरलेल्या काही सामाजिक प्रश्नांसंबधी जागरुकता निर्माण करण्याच्या संदर्भात संस्थेने काही कार्यक्रम व स्पर्धांचे आयोजन करणे सुरू झाले.

प्रतिष्ठान करीत असलेली कामे

• एड्स विरोधात जनजागृती
• क्षयरोग निर्मूलन
• गुणी आणि गरजू खेळाडूंना प्रोत्साहन
• राम कदम पुरस्काराचे आयोजन
• महाराष्टाचा सांस्कृतिक ठेवा जपणे
• महाराष्टाच्या पारंपरिक संगीतासाठी अद्ययावत संग्रहालय उभारणे

शरद क्रीडा आणि सांस्कृतिक प्रतिष्ठानचे उपक्रम

• एड्सग्रस्तांना आर्थिक मदत
• क्रीडाविषयक आर्थिक मदत
• भव्य जागर - गोंधळ स्पर्धा
• विठू माउली माझी - अभंगवाणी
• संत तुकाराम अभंग व भजन स्पर्धा

शरद क्रीडा आणि सांस्कृतिक प्रतिष्ठानातर्फे दिलेल्या कै.राम कदम कलागौरव पुरस्काराचे मानकरी

२००६ -गीतकार जगदीश खेबुडकर २००७ - संगीतकार भास्कर चंदावरकर २००८ - संगीत संयोजक इनॉक डॅनियल्स २००९ - गायिका सुलोचना कदम २०१० - गायक चंद्रशेखर गाडगीळ २०११ - संगीतकार अजय-अतुल २०१२ - गायिका उषा मंगेशकर २०१३ - अशोक पत्की