विकिपीडिया:मराठी भाषा पंंधरवड्यानिमित्त विकिपीडिया कार्यशाळा गोगटे जोगळेकर महाविद्यालय, रत्नागिरी

विविध विषयातील ज्ञान आणि विश्वसनीय माहिती मराठीतून सर्व समाजाला सहजपणे व मुक्तपणे उपलब्ध व्हावी यासाठी ‘मराठी विकिपीडिया’ या मुक्त ज्ञानकोशात जास्तीतजास्त नागरिकांनी सतत संपादन करायला हवे यासाठी राज्य मराठी विकास संस्था आणि गोगटे जोगळेकर महाविद्यालय, रत्नागिरी यांनी पुढाकार घेतला आहे. मराठी भाषा पंधरवड्यानिमित्त यासाठी मराठी विकिपीडिया संपादन कार्यशाळा आयोजित करण्यात आली होती. सदर कार्यशाळा बुधवार दि. १० जानेवारी २०१८ रोजी सकाळी ९ ते १ या वेळेत संपन्न झाली. मराठी विकिपीडियावरील सक्रीय संपादिका डॉ. आर्या जोशी मार्गदर्शक म्हणून उपस्थित होत्या.

मराठी भाषा आणि महाराष्ट्राची संस्कृती यांचे संरक्षण, संगोपन आणि संवर्धन करण्याच्या हेतूने २०१८ यावर्षी महाजालावरील सर्वात मोठा मुक्त ज्ञानकोश असणाऱ्या 'मराठी विकिपीडिया' मध्ये मराठीतून जास्तीतजास्त ज्ञान उपलब्ध करून देण्यासाठी मराठी भाषा गौरव दिनानिमित्त शासनाने सर्व संस्थाना आवाहन केले आहे. यालाही प्रतिसाद म्हणून ही संपादन कार्यशाळा आयोजित करण्यात आली आहे.