वातव्याधी

वातव्याधी म्हणजे वातदोषाच्या असंतुलनामुळे होणारे व्याधी होय.

लक्षणे

• हाता-पायाची बोटे आखडतात, हात बंद-उघड होऊ शकत नाहीत.
• हाडांमध्ये तीव्र वेदना होतात, बोटांमध्ये तीव्र वेदना होतात.
• अंगावर अकारण काटा येतो.
• अकारण बडबड केली जाते.
• पाय, पाठ व डोके आखडते.
• पाठीला कुबड येते.
• मनुष्य चालण्यास असमर्थ होतो.
• अंगावर सूज येते.
• झोप कमी येते.
• गर्भधारणा होण्यास त्रास होतो किंवा झालेली गर्भधारणा टिकत नाही.
• पुरुषांमध्ये पुनरुत्पादनाची शक्‍ती कमी होते.
• स्त्रीमध्ये रजःप्रवृत्ती कमी किंवा अकाली थांबते.
• संपूर्ण शरीरात किंवा शरीराच्या एका भागात कंप होऊ लागतो, तसेच बधिरपणा येतो.
• मान ताठ राहत नाही, डोक्‍यात तीव्र वेदना होतात.
• गंधज्ञानाची क्षमता कमी वा नष्ट होते.
• डोळे बारीक होतात, छाती-मानेतही जखडल्यासारखे वाटते.
• सर्व अंगात वेदना होतात, अस्वस्थता प्रतीत होते.