मोहम्मद झहीर शाह
मोहम्मद झहीर शाह (पश्तो:محمد ظاهرشاه ;उर्दू:محمد ظاهر شاه; १५ ऑक्टोबर, इ.स. १९१४ - २३ जुलै, २००७) हा अफगाणिस्तानचा शेवटचा राजा होता. हा १९३३ ते १९७३पर्यंत सत्तेवर होता. त्याला अफगाणिस्ताना राष्ट्रपिता असा खिताब देण्यात आला होता.[१]
कौटुंबिक माहिती आणि बालपण
[संपादन]झहीर शाह मोहम्मद नादिर शाहचा मुलगा होता. नादिर शाह तत्कालीन राजा अमानुल्ला खानच्या सैन्याचा मुख्य सेनापती होता. १० ऑक्टोबर, इ.स. १९२९ रोजी नादिर शाह स्वतः अफगाणिस्तानचा राजा झाला.[२] व झहीर शाहला युवराजपद दिले गेले.
राज्यकाल
[संपादन]नादिरशाहची हत्या झाल्यावर झहीर शाह ८ नोव्हेंबर, इ.स. १९३३ रोजी राजा झाला. त्याच्या राज्यकालाची पहिली तीस वर्षे त्याचे दोन काका मोहम्मद हाशिम खान आणि शाह महमूद खान यांनीच सत्ता चालवली.[३] या काळात अफगाणिस्तानने इतर देशांशी संबंध प्रस्थापित केले. १९३४ साली अफगाणिस्तान लीग ऑफ नेशन्सचा सदस्य झाला.[४] त्यानंतर काही वर्षांत जर्मनी, इटली, जपानसह अनेक देशांशी व्यापारसंबंधही स्थापले गेले.
संदर्भ आणि नोंदी
[संपादन]- ^ एनसायक्लोपीडिया ब्रिटानिका, "Mohammad Zahir Shah"
- ^ Encyclopædia Britannica, "Afghanistan Mohammad Nader Shah (1929–33)"
- ^ चेस्टरमन, सायमन; Michael Ignatieff; Ramesh Chandra Thakur. Making States Work: State Failure And The Crisis Of Governance. p. 400.
- ^ Jentleson, Bruce W.; Paterson, Thomas G. (1997). The American Journal of International Law: 24. Missing or empty
|title=(सहाय्य)