मेडेन्स हॉटेल (दिल्ली)

मेडेन्स हॉटेल, दिल्ली

मेडेन्स हॉटेल हे भारताच्या दिल्ली शहरातील एक हॉटेल आहे. याला ऑबेरॉय मेडेन्स हॉटेल असेही म्हणतात. हे मेडेन्स मेट्रोपोलिटन हॉटेल एक ऐतिहासिक हॉटेल आहे. दिल्ली मधील १९०३ मध्ये सर्वांत जुने पण अत्याधुनिक सोयींनी युक्त असे ते हॉटेल होते. ब्रिटिशांच्या काळात अधिकाऱ्यांचे निवासस्थान या ठिकाणी होते आणि ते गेल्यानंतर त्याचे रूपांतर हॉटेलमध्ये करण्यात आलेले होते. हे युरोपियन पद्धतीचे हॉटेल आहे.

इतिहास

१८९४ पासून मेडन बंधूनी - ब्रिटिशांनी या हॉटेलचे बांधकाम हाती घेतले. १९०२ पासून जे.मेडन यांनी सध्या उभं असलेले हॉटेल बांधलेले आहे. विसाव्या शतकाच्या सुरुवातीस दिल्लीमधील सर्वोत्कृष्ट हॉटेल म्हणून ते नावारूपाला आलेले आहे. १९०३ मध्ये लॉर्ड कर्झनने भरविलेल्या भारताचा राजपुत्र सातव्या एडवर्ड याच्या राज्याभिषेकाच्या वेळेस या हॉटेलमध्ये दरबार भरविण्यात आलेला असून या हॉटेलमध्ये सर्व अभ्यागतांची राहण्याची व्यवस्था केलेली होती.

सध्या ऑबेराय हॉटेल आणि रीझोर्ट चेनचा हा एक महत्त्वाचा भाग आहे.

निवास व्यवस्था

हॉटेलमधील राहण्याची व्यवस्था अत्यंत महागडी असून प्रत्येक कक्ष वातानुकूलित आहे. मिनीपेयपानगृह, २४ तास सॅटलाईट चॅनेल्स, वायरलेस इंटरनेट, थेट दूरध्वनीवरून संदेश इ. सुविधा अभ्यागतांना उपलब्ध करून दिलेल्या आहेत.

याव्यतिरिक्त खालील वैशिष्टयपूर्ण सुविधा या हॉटेलमध्ये आहेत.

• मिनरल पाण्याची बाटली
• बिस्किटे / फळांचे बास्केट
• तरणतलाव

ऐतिहासिक कक्ष

हॉटेलच्या तळमजल्यावर आणि पहिल्या मजल्यावर हा कक्ष असून या कक्षामधील खोल्या विशाल आणि अवाढव्य आहेत. या कक्षातील वास्तुशास्त्र ब्रिटीशकालीन पद्धतीने बांधण्यात आलेले असल्यामुळे ते १९ व्या शतकातील ब्रिटीशकालीन राजवटीची आठवण करून देते. या कक्षामध्ये भव्य असे हिरव्यागार गवताचे लॉन आणि तरणतलाव आहे.

प्रिमिअर कक्ष

४५०-५०० चौ.फुट आकाराच्या प्रिमिअर कक्षाचे बांधकाम हल्लीचेच असले तरीही जुन्या काळातील बांधकामाप्रमाणे असल्यामुळे त्या काळाची आठवण करून देणारे आहे. या कक्षामध्ये ३७ इंच एलसीडी टी.व्ही, ४ आलिशान प्रशाधनगृह आहेत.

डिलक्स कक्ष

७००-८०० चौ.फुट आकाराच्या डिलक्स कक्षाचे बांधकाम हल्लीचेचे असले तरीही बांधकाम ब्रिटीशकालीन पद्धतीने केलेले आहे. या कक्षामध्ये सुद्धा एलसीडी टी.व्ही, ४ आलिशान प्रसाधनगृह आहेत.

ऐषआरामी कक्ष

९००-१४०० चौ.फुट आकाराच्या लक्झरी कक्षाचे बांधकाम करताना त्याचे ऐतिहासिक महत्त्व कायम ठेवण्याचा लक्षणीय प्रयत्न केलेला आहे. या कक्षामध्ये सुद्धा ४ आलिशान प्रसाधनगृह, ३७ इंच एलसीडी टी.व्हि. सारख्या सुविधा दिलेल्या आहेत.

डायनिंग

कर्झन कक्ष

ब्रिटीश लॉर्ड कर्झन याच्या नांवावरून या कक्षाला कर्झन असे नामकरण करण्यात आलेले आहे. ब्रिटीशकानलीन राजवटीतील ७० पेक्षा जास्त छायाचित्रे या कक्षाच्या भिंतीवर लावण्यात आलेली असून ती पहाताना इ.स.पूर्व १९०० च्या कालावधीतील ब्रिटीश साम्राज्याची आठवण आल्याशिवाय राहात नाही. युरोपियन आणि भारतीय अशा दोन्ही पद्धतीचे जेवण येथे उपलब्ध आहे. दुपारी १ ते ३ वाजेपर्यंत आणि संध्याकाळी ७.३० ते ११ वाजेपर्यंत या कक्षामध्ये प्रवेश दिला जात असून एका वेळी ४५ जण या कक्षाचा आनंद घेउू शकतात.

गार्डन टेरेस

या ठिकाणी एक कॉफि पेयपान असून येथील वातावरण अतिशय निसर्गरम्य आहे. अभ्यागतांना येथे पुस्तके वाचण्याची आणि गप्पा करण्याची सोय उपलब्ध करून दिलेली आहे. भारतीय आणि युरोपियन अशा दोन्ही पद्धतीने अभ्यागतांना येथे पेय करून दिले जाते. सकाळी ७ वाजल्यापासून रात्री ११ पर्यंत येथे प्रवेश दिला जातो. एका वेळी ५२ जण या कक्षाचा आनंद घेउु शकतात.

कॅव्हलरी बार

१९ व्या शतकातील बार असून तो आकाराने अतिशय लहान आहे. येथील वातावरण अतिशय सुखकारक आणि आल्हाददायक असून मागणी केल्याप्रमाणे मदय उपलब्ध करून दिले जाते. सकाळी ११ वाजल्यापासून मध्यरात्री १२ पर्यंत येथे प्रवेश दिला जातो. एका वेळी २२ जण या कक्षाचा आनंद घेउु शकतात.