मारिया क्रिस्टिन युलिआंती

मारिया क्रिस्टिन युलिआंती इंडोनेशियाची बॅडमिंटन खेळाडू आहे. हिने २००८ ऑलिंपिक स्पर्धांमध्ये कांस्यपदक मिळवले.

कारकीर्द

२००४

युलियांतीने काही सॅटेलाइट स्पर्धांमध्ये भाग घेतला आणि मलेशियन स्पर्धेचे विजेतेपद पटकावले.

२००५

युलियांतीने आणखी अनेक सॅटेलाइट स्पर्धांमध्ये भाग घेतला आणि त्यापैकी तीन स्पर्धांचे विजेतेपद मिळवले: सुराबाया, जकार्ता आणि चिअर्स एशियन सॅटेलाइट स्पर्धा.

२००६

युलियांतीने अधिक कठीण दर्जाच्या स्पर्धांमध्ये सहभागी होण्यास सुरुवात केली, मात्र तिने सॅटेलाईट स्पर्धामध्ये ही खेळणे शुरू ठेवले. तिने बिटबर्गर ओपन स्पर्धेत उपविजेतेपद मिळवले.अंतिम सामन्यात तिचा पराभव जर्मनीच्या श्यू हुआइवेन हिच्याकडून झाला, परंतु उपांत्यपूर्व फेरीत फ्रान्सच्या मानांकित खेळाडू पी होंगयान हिचा पराभव करून तिने मोठा उलटफेर घडवून आणला.त्यानंतर तिने सिंगापूर सॅटेलाइट स्पर्धेत विजेतेपद पटकावले. यामुळे ती राष्ट्रीय संघातील सर्वात यशस्वी खेळाडू झाली.

२००७

या वर्षी, युलियांती ही तिच्या संघातील प्रमुख खेळाडू होती. तिने वर्ल्ड चॅम्पियनशिप मध्ये १५वे मानांकन मिळवून सहभाग घेतला, जे २००७ मधील तिचे सर्वोच्च मानांकन होते. तिसऱ्या फेरीत तिचा जागतिक क्रमवारीतील अव्वल क्रमांकाची खेळाडू आणि चीनची झांग निंग हिच्याकडून पराभव झाला. २००७ च्या इंडोनेशिया सुपर सीरिज स्पर्धेत तिने चीनच्या लू लान हिचा निर्णायक सेटमध्ये पराभव करून सुपर सीरिज स्पर्धेतील आपले पहिले उपांत्यपूर्व फेरीतील स्थान मिळवले. बुल्गेरियाच्या पेत्या नेदेलचेव्हा हिने सरळ सेटमध्ये तिचा पराभव करून तिची आगेकूच रोखली. डिसेंबरमध्ये, थायलंड येथे झालेल्या २००७ आग्नेय आशियाई क्रीडा स्पर्धेत तिने आपल्या देशबांधव अद्रियंती फिरदासरी हिचा पराभव करून बॅडमिंटनमध्ये सुवर्णपदक जिंकले.

२००८

तिने २००८ ऑल इंग्लंड सुपर सिरीज आणि स्विस ओपन यांसारख्या काही सुपर सिरीज स्पर्धांमध्ये सहभाग घेतला; मात्र, प्रत्येक स्पर्धेत तिला पहिल्याच फेरीत पराभव पत्करावा लागला.